ተነሳና ከእግዚአብሔር ጋር ወደፊት ተራመድ!

ኢየሱስ፦ ተነሣና አልጋህን ተሸክመህ ሂድ አለው። ዮሐ 5፡8

በዮሐንስ 5 ውስጥ ያለው ታሪክ መለወጥ የማይፈልጉትን ሁሉ የሚወክል ታሪክ ነው ብዬ አምናለሁ ፡፡ የአይሁድ በዓል በኢየሩሳሌም በሚከበርበት ወቅት ኢየሱስ በቤተሳይዳ የውሃ ጉድጓድ አቅራቢያ ተገኝቶ የመፈወስ ተስፋ የነበራቸውን የታመሙ ሰዎች  ጎበኘ፡፡ ፈውሱን ከሚጠብቁት ሰዎች መካከል አንዱ ለሰላሳ ስምንት ዓመታት ሽባ ሆኖ የነበረ አንድ ሰው ነበር ፡፡ ኢየሱስ ባየው ጊዜ መፈወስ ይፈልግ እንደሆነ ጠየቀው ፡፡

ሰው ሰላሳ ስምንት ዓመት ያልፈወሰው ለምን እንደሆነ የሰውየው መልስ ይነግረናል ፡፡ መልሱ “ወደ ውሃ ስገባ የሚረዳኝ አንድም ሰው አልነበረኝም” የሚል ነው ፡፡ ሃሳቡ ሰውየው ሃላፊነትን መውሰድ እያስወገደ መሆኑ ነበር ፡፡

የዚህ ሰው ሁለተኛ ችግር ሌሎችን መውቀሱ ነው፡፡ “ነገር ግን እኔ ስመጣ ሳለሁ ሌላው ቀድሞኝ ይገባል” ብሎ መለሰለት፡፡ ታድያ ኢየሱስ እንዴት ነበር የመለሰለት? ኢየሱስ በሆነበት ነገር አላዘነለትም ይልቁንም “ተነሣና አልጋህን ተሸክመህ ሂድ” ነበር ያለው፡፡

በሕይወትህ ለውጥ እንዲመጣ ካስፈለገ የሁኔታዎችህ እስረኛ መሆን አትችልም፡፡ ዛሬ እግዚአብሔር ሊረዳህ ፈቃደኛ እንደሆነ በማወቅ እርሱን ለመታመን መወሰን አለብህ፡፡ ተነስተህ እርሱ የሰጠህን ነጻነት መከተል አለብህ፡፡እግዚአብሔር ሆይ የሁኔታዎች ሰለባ መሆን አልፈልግም፡፡ መለወጥ እፈልጋለሁ፡፡ ዛሬ የአንተን ብራታትና ነጻነት እቀበላለሁ፡፡ ከአንተ ጋር ስጓዝ በሕይወቴ ለውጥ እንደሚሆን አምናለሁ፡፡

ጸሎት ማስጀመሪያ

አምላክ ሆይ ፣ በሁኔታዎቼ ተጠቂ መሆን አልፈልግም ፡፡ መለወጥ እፈልጋለሁ፡፡ ዛሬ ጥንካሬህን እና ነጻነትህን እቀበላለሁ። ከአንተ ጋር ስሄድ በሕይወቴ ውስጥ እውነተኛ ለውጥ እንደሚመጣ አምናለሁ ፡፡

Facebook icon Twitter icon Instagram icon Pinterest icon Google+ icon YouTube icon LinkedIn icon Contact icon