Ապահով՝ Հիսուսի մեջ

Աստված ցանկանում է, որ մենք լիովին կախված լինենք Իրենից այնպես, ինչպես ճյուղը՝ որթից: Անմտություն կլինի մարդուն ապավինելը:

Որքա՞ն անգամներ եք վստահել ձեր ուժերին և չարաչար սխալվել: Որքա՞ն անգամներ են մարդիկ հուսախաբ արել ձեզ, երբ վստահել եք նրանց: Որքա՞ն անգամներ եք հիասթափվել, երբ ուրիշները մերժել են ձեզ կամ չեն արել այն, ինչ ակնկալում էիք: Աստված թույլ կտա, որ ժամանակ առ ժամանակ հիասթափվենք, մինչև որ սովորենք ապավինել Իրեն և վստահել միմիայն Իրեն:

Ես չեմ առաջարկում, որ մենք որևէ վստահություն չունենանք մարդկանց հանդեպ, բայց պետք է գիտակցենք, որ մարդիկ անկատար են, և անհնար է, որ նրանք հուսախաբ չանեն մեզ: Հիսուսը, սակայն, մեզ չի հիասթափեցնում: Նա միշտ մեզ հետ է, միշտ մեր կողմից է, և միակն է, ում կարող ենք լիովին վստահել: