«Ահա՛ Ես եմ Տերը՝ ամեն մարմնի Աստվածը, մի՞թե Ինձ համար որևէ դժվար բան կա»: ԵՐԵՄԻԱ 32.27
Մեր Աստված կարող է անել բոլոր բաներից ավելի, քան կարող ենք երբևէ հուսալ, խնդրել կամ, նույնիսկ, մտածել (տե՛ս Եփես. 3.20): Երբ աղոթում ենք հավատքով, մեր կյանքում դուռ է բացվում Աստծո գործունեության համար: Ոչինչ չափազանց դժվար չէ Նրա համար:
Եթե դուք ջանք եք թափում, որ ձեր կյանքում անհրաժեշտ փոփոխություններ կատարվեն, ապա այս խոսքը հատկապես ձեզ համար է: Դուք չեք կարող փոխել ձեզ: Բայց փա՛ռք Աստծուն, Նա կարո՛ղ է: Նա գիտի, թե որն է ձեր խնդիրը, և պատրաստ է ու կարող է բերել անհրաժեշտ փոփոխություններ, եթե պարզապես խնդրեք Նրան:
Դուք և ես չունենք այնպիսի խնդիր, որը չափազանց մեծ լինի Աստծո շնորհքի համար: Եթե մեր խնդիրը մեծանում է, մեծանում է նաև Աստծո շնորհքը: Եթե մեր խնդիրները շատանում են, շատանում է նաև Աստծո շնորհքը, որպեսզի կարողանանք հաղթահարել:
Աստծո համար երեք խնդրից մեզ ազատելն ավելի դժվար չէ, քան մեկ կամ երկու խնդրից ազատելը: Մեր ամենամեծ խնդիրը դարձյալ փոքր է Նրա համար: Աստված կարող է անել ցանկացած բան, այնպես որ՝ խնդրե՛ք հավատքով և հանգստացե՛ք ու թո՛ւյլ տվեք, որ Նա գործի: