«Հեռացե՛ք ինձնից, ո՛վ բոլոր անօրենություն գործողներ, որովհետև Տերն իմ լացի ձայնը լսել է։ Տերը լսեց իմ աղաչանքը. Տերն ընդունում է իմ աղոթքը» (ՍԱՂՄՈՍ 6.8,9):
Երբ աղոթում ենք, Աստված լսում և պատասխանում է մեզ: Կարևոր է, որ վստահ լինենք դրանում այնպես, ինչպես Դավիթն էր վստահ, երբ գրեց վերոհիշյալ խոսքերը: Դու կարող ես ապրել վստահությամբ, քանի դեռ գիտես, որ Աստված քո կողմից է և կօգնի քեզ հաղթելու կյանքի պատերազմները: Դու մենակ չես, Աստված քեզ հետ է:
Սաղմոսներն ընթերցելը հրաշալի միջոց է Աստծուց լսելու համար: Նա խոսում է մեզ հետ Իր Խոսքի միջոցով, և Սաղմոսները հատկապես քաջալերող են դժվարությունների ժամանակ: Երբ կարդում ես, ի սրտե ընդունի՛ր դրանք: Մի՛ խորհիր դրանց շուրջ այնպես, կարծես մեկ ուրիշի համար են գրված, այլ հիշի՛ր, որ դրանք Աստծո անձնական նամակն են քեզ: Նա ուզում է՝ իմանաս, որ լավ ծրագրեր ունի քեզ համար, և ով էլ քեզ դեմ դուրս գա, Աստված քո կողմից է: Աստված ազատեց Դավթին իր թշնամիներից և նույնը կանի քեզ համար, եթե շարունակես վստահել Նրան:
Մնա՛ խաղաղության մեջ և շարունակի՛ր գոհանալ Աստծուց, որ գործում է քո կյանքում: Հավաստիացնում եմ՝ Աստված չի մոռացել քեզ: Նա չի ուշացնի քո աղոթքի պատասխանը: Գուցե շուտ չպատասխանի, բայց չի ուշանա: Պահի՛ր տեսիլքդ քո առջև և մի՛ հանձնվիր:
ԱՍՏԾՈ ԽՈՍՔԸ ՔԵԶ ՀԱՄԱՐ ԱՅՍՕՐ. Աստված քեզ օգնություն կուղարկի. Նա կաջակցի, կթարմացնի և կզորացնի քեզ: