«…Աստված սեր է…»: —Ա Հովհաննես 4.8
Սերն այնպիսի բան է, որը կարելի է տեսնել: Այն երևում է Հոգու պտղի մեջ, որը գործում է մեր կյանքում, վարքագծի մեջ և մարդկանց հանդեպ մեր վերաբերմունքի մեջ:
Սերն ունի բազմաթիվ կողմեր կամ տարբեր եղանակներ, որոնցով կարելի է տեսնել այն: Օրինակ, երբ ադամանդե մատանին պահում ենք լույսի տակ, այն կարող է փայլել տարբեր կողմերից՝ կախված այն բանից, թե որ կողմ ենք այն թեքում: Ես հավատում եմ, որ սերը նույնպես փայլում է տարբեր կողմերից՝ կախված այն բանից, թե ինչպես ենք նայում նրան:
Ա Կորնթացիների 13.4-7 -ը մեզ օրինակներ է տալիս սիրո բազմաթիվ կողմերի մասին:
- Սերը երկայնամիտ է. այն ունի երկար ժամանակով համակերպվելու կարողություն:
- Սերը չի նախանձում. այն չի ուզում, ինչ չունի:
- Սերը չի գոռոզանում, չի հպարտանում. այն իր վրա ուշադրություն չի հրավիրում:
- Սերը չի լրբանում կամ կոպիտ չէ:
- Սերն իրենը չի որոնում:
- Սերը չարը չի մտածում:
- Սերը ամեն բանի դիմանում է:
Սրանք ընդամնեը մի քանի եղանակներ են, որոնցով պիտի սիրենք ուրիշներին…այդպես էլ Աստված է մեզ սիրում: Ա Հովհաննեսի 4.8-ն ասում է, որ Աստված սեր է: Նա սիրում է մեզ և փրկել է մեզ, ուստի մենք կարող ենք Նրա սերը կիսել ուրիշների հետ:
Աստծուն ընդօրինակելու համար մենք պետք է նայենք Հիսուսին՝ Աստծո կատարյալ ներկայացուցչին, ով արտահայտել է Ա Կորթացիների 13-րդ գլխում նկարագրված սիրո բոլոր չափանիշները: Ցանկացած իրավիճակում Նա միշտ գործում էր սիրով, նույնիսկ այն ժամանակ, երբ մարդիկ Նրա դեմ էին դուրս գալիս:
Կողոսացիների 3.12-14-ն ասում է. «Հագե՛ք ինչպես Աստծո ընտրվածներ…Եվ այս ամենի վրա հագեք սերը…»: Ինչպես Հիսուսը՝ եկե՛ք հագնենք սերը և ընտրենք հետևել Նրա օրինակին՝ փառք և պատիվ բերելով Աստծուն:
Աղոթքի սկիզբ
Աստվա՛ծ, Դու ինձ ցույց ես տվել, թե ինչպիսին է սերը՝ առաջինը ինձ սիրելով: Օգնի՛ր ինձ հետևելու Հիսուսի օրինակին և կիրառելու սիրո բոլոր կողմերը իմ ամենօրյա կյանքում: