Աստծո ճանապարհը չափազանց դժվար չէ

Աստծո ճանապարհը չափազանց դժվար չէ

«Եվ եղավ, երբ Փարավոնը ժողովրդին արձակեց, այն ժամանակ Աստված նրանց փղշտացիների երկրի ճանապարհով չտարավ, թեև նա մոտ էր, որովհետև Աստված ասաց. «Միգուցե ժողովուրդը պատերազմը տեսնելիս զղջա և ետ դառնա Եգիպտոս»»: ԵԼԻՑ 13.17

Աստված Իսրայելի որդիներին առաջնորդեց անապատի՝ ավելի երկար, ավելի դժվար ճանապարհով, որովհետև գիտեր, որ նրանք պատրաստ չէին այն մարտերին, որոնց կբախվեին Խոստմունքի երկիրը ժառանգելու համար: Սկզբում Նա պետք է աշխատանք տաներ նրանց կյանքում՝ սովորեցնելով, թե Ով է Ինքը, և հասկացնելով, որ նրանք չեն կարող ապավինել իրենք իրենց:

Դուք կարող եք վստահ լինել, որ ուր էլ Աստված առաջնորդի ձեզ, Նա կարող է պահպանել ձեզ: Նա երբեք թույլ չի տալիս, որ մեր կարողությունից ավելի փորձվենք: Մենք ստիպված չենք լինի ապրել մշտական պայքարի մեջ, եթե սովորենք մշտապես ապավինել Նրան այն զորության համար, որի կարիքն ունենք:

Եթե գիտեք, որ Աստված խնդրել է ձեզ ինչ-որ բան անել, մի՛ հապաղեք, որովհետև հետո ավելի դժվար կլինի: Երբ իրավիճակը բարդանում է, ավելի շատ ժամանակ անցկացրեք Նրա հետ, ավելի շատ ապավինեք Նրան և ավելի շատ շնորհք ընդունեք Նրանից (տե՛ս Եբր. 4.16): Շնորհքն Աստծո զորությունն է, որը ձրի տրվում է ձեզ, որպեսզի ձեր միջոցով իրագործվի այն, ինչ ինքներդ չեք կարող անել:

Աստված գիտի, որ հեշտ ճանապարհը միշտ չէ, որ լավագույն ճանապարհն է մեզ համար: Ահա թե ինչու շատ կարևոր է, որ մենք չվհատվենք, չհոգնենք և չթուլանանք:


Սատանան գիտի, որ եթե կարողանա պարտության մատնել մեզ մեր մտքում, կկարողանա պարտության մատնել մեզ մեր փորձառության մեջ:

Facebook icon Twitter icon Instagram icon Pinterest icon Google+ icon YouTube icon LinkedIn icon Contact icon