PAGLAUM SA PANAHON SA KALISDAN
Siguro naa ka sa sitwasyon nga naglisud ka sa imong kahimtang karon, ug dili na ka kabalo ug unsay imong buhaton nga magmadaugon ka sa imong naagian karon, siguro nasakitan ka karon pisikal, Ug daghang mga tawo karon nga wala na sila kabalo asa sila mokuha ug pagka-on.
Kung nakasinati ka karon ug kalisud sa imong sitwasyon, ug halos na ka moatras, Apan kinahanglan gihapon nga mosalig ug molaum sa Ginoo. Bisan pa, Unsa ba ang pag-laum?
Ang paglaum mao ang pagsalig sa tibook nimong kasing-kasing nga adunay maayong mahitabo. Kini adunay kalambigitan sa atong gisaligan. Kung aduna kay paglaum, ang kasing-kasing puno usab sa kalipay ug kalinaw.
Ang gusto ni satanas, nga mawad-an ka ug paglaum. Gusto niya nga motoo ka nga walay nay maayo nga mahitabo sa imong kinabuhi. Apan gusto sa Ginoo kanato nga mapuno ka sa paglaum, pagsalig sa kahibulongang mga butang nga gikan sa Diyos. ”Hinaut nga ang Dios sa paglaum” magapuno kaninyo sa tumang kalipay ug kalinaw tungod sa inyong pagtoo, aron nga pinaagi sa gahum sa Espiritu Santo magmadagayaon kamo sa paglaum.(Roma 15:13)