Ndipo kinywa chetu kilipojaa kicheko. Na ulimi wetu kelele za furaha. Ndipo waliposema katika mataifa, Bwana amewatendea mambo makuu. —ZABURI 126:2
Mojawapo ya vitu vizuri kuhusu kuwa Mkristo ni kwamba sio tatanishi—kwa kweli, tunaagizwa kuwa wanyenyekevu na kuwa kama watoto wadogo. Huku Mungu akitutaka tukue katika nia, tabia, na kukubali wajibu wetu ndani ya Yesu (Waefeso 4:15), wakati huohuo anataka tuwe kama watoto katika kumtegemea na katika matamanio yetu ya kumkaribia.
Tabia moja ya mtoto ni kwamba ana raha katika lolote analofanya. Hufanikiwa kupata njia ya kuwa na wakati mzuri. Mungu anatamani tuwe hivyohivyo. Tunaweza kujifunza kufurahia kila kitu tunachofanya, na kumfurahia wakati wote. Tunaweza na tunafaa kupenda vipengele vyote vya maisha, vya kilimwengu na pia vitakatifu. Unaweza kufurahia kuwa katika mafunzo ya Biblia na marafiki, na unaweza kufurahia kufanya kazi za nyumba.
Ni muhimu kujifunza kujifurahisha na kupata jambo la kuchekesha katika maisha yako ya kila siku. Tunaweza hata kujifunza kujicheka. Vile barua ya Art Link ilikuwa ikisema, “Watu wanachekesha!” Na sisi ni wamojawapo.
Cheka unavyoweza mara kwa mara, kwa sababu moyo mchangamfu hukutendea mema zaidi.
