Amri yangu ndiyo hii, mpendane, kama nilivyowapenda ninyi. YOHANA 15:12
Mungu ametubariki na vitu vingi, na mioyo wetu ikiwa sawa, tunashukuru kwa kila baraka. Lakini tunaweza kufanya tu zaidi ya kushukuru. Tunaweza kudhihirisha shukrani hizo kwa kuamua kutumia baraka zilizo maishani mwetu kuwa baraka kwa wengine kila tunapoenda.
Unaweza kufanya hivyo kwa njia ndogo au njia kubwa, lakini kufanya hivyo wakati wote hubariki mtu mwingine. Utashangazwa na matokeo. Njia nyingine unayoweza kuwa baraka ni kufanya urafiki. Jitahidi kufanya urafiki na watu popote unapoenda na kuonyesha kuvutiwa kweli nao. Jaribu kufanya watu wenye haya kuhisi utulivu na ujasiri. Jaribu kusema neno la himizo kwa mtu anayeonekana kufadhaika. Kuna njia nyingi tunazoweza kuwa baraka tukizifikiria kiubunifu. Usiache jua litue juu ya siku yoyote kabla hujamfikia mtu mwingine kwa njia yoyote.
Sala ya Shukrani
Baba, ninashukuru sana, sio tu kwa sababu ya baraka zisizo na idadi ulizonipa, lakini kwa nafasi ya kushiriki baraka hizo na wengine. Ninaomba unionyeshe njia mpya za kiubunifu za kufanya urafiki na kumhimiza mtu leo.