Bondye i anvi en fanmir, e I anvi vin nou Papa. Nou’n ganny kree pour annan relasyon avek Li e pour nou vin son bann fiy e garson, an vivan sa lavi an abondans ki Kris in mor pou donn nou. Sa i vedir ki I anvi nou depan lo Li, apiy lo Li, kontan Li, e les Li kontan nou. I anvi nou annan konfyans dan Li, e al ver Li letan nouannan bann bezwen. I anvi annan en relasyon personnel avek sakenn antre nou. Laplipar nou i enterpret Zan 3:16 dan bann konteks ki tro larz. “O, wi, mon konnen ki Zezi in mor pour lemonn,” nou dir, me “lemonn” pa zis en gran group dimoun pour ki Zezi in mor. I’n mor pour sakenn de nou. I’n mor pour ou! Laverite i, si ou ti sel dimoun lo later, Zezi ti pour mor zis pour ou.
Download
