Dhe ne kemi njohur dhe kemi besuar dashurinë, që Perëndia ka ndaj nesh. Perëndia është dashuri; dhe ai, që qëndron në dashuri qëndron në Perëndinë dhe Perëndia në të. 1 GJONIT 4:16
Tek 1 Gjonit 4:16, Bibla na udhëzon të “kuptojmë, njohim” dhe të jemi “të vetëdijshëm” për dashurinë që Perëndia ka për ne. Të jesh në një marrëdhënie të ngushtë e personale me Perëndinë do të thotë të jesh i ndërgjegjshëm për dashurinë e Tij në çdo kohë dhe të jesh vazhdimisht i mahnitur nga fakti se Ai e tregon dashurinë e Tij për ne edhe kur ne nuk e meritojmë atë.
Një mënyrë për t’ju inkurajuar për ta bërë këtë është të mbani një libër kujtimi, një libër në të cilin shkruani gjëra të veçanta që Zoti bën për ju. Kur filloni të vëzhgoni dhe të vini re mirësinë e Perëndisë në këtë mënyrë, do të habiteni se sa shpesh dashuria e Perëndisë shfaqet në mënyra praktike (të mëdha dhe të vogla) në jetën tuaj.
Dashuria e Perëndisë mund të ndryshojë jetën tuaj nëse ju e lejoni atë. Ai përmban fuqinë për të shëruar plagët tuaja emocionale. Dashuria e tij ju forcon për të vazhduar në kohë të vështira dhe ju zbut zemrën, duke ju mundësuar të tregoni më shumë dashuri për të tjerët. A mund të imagjinoni ndonjë gjë më të mirë për të qenë “të ndërgjegjshëm” dhe të vetëdijshëm se kjo dashuri e madhe?
Ndoshta gjëja më e mirë që mund të bëni sot është thjesht të vëzhgoni dashurinë e Perëndisë, ta njihni dhe festoni me falënderim