Në qoftë se ju fyejnë për emrin e Krishtit, lum ju, sepse Fryma e lavdisë dhe Fryma e Perëndisë prehet mbi ju; nga ana e tyre ai blasfemohet, kurse nga ana juaj ai përlëvdohet. 1 PJETRI 4:14
A keni vuajtur ndonjëherë për shkak se jeni të krishterë – jeni tallur, lënë jashtë, keqkuptuar, lënë pa promovuar ose më keq?
Disa mendojnë se është e tmerrshme kur keqtrajtohen sepse janë të krishterë, por Perëndia e sheh këtë në një këndvështrim krejtësisht tjetër. Perëndia nuk pret kurrë që ne të vuajmë për Të pa ndihmën e Tij. Ne mund të besojmë me vendosmëri se sa herë që qortohemi ose keqtrajtohemi në çfarëdo mënyre për shkak të besimit tonë në Krisht, Perëndia na jep një masë hiri shtesë për të kundërpeshuar sulmin. Ka fuqi për ta kapërcyer!
Kur e njohim dhe varemi nga prania e Perëndisë në jetën tonë, ne mund të kalojmë rrethana të vështira dhe të ruajmë paqen dhe gëzimin tonë. Ashtu si Shadraku, Meshaku dhe Abednego tek Danieli 3:21–27, ne mund të shkojmë në furrën e zjarrtë, ose në probleme dhe beteja, dhe të dalim pa erë tymi mbi ne.
Nëse qëndrojmë të patundur, duke i besuar me siguri Perëndisë në kohë të vështira, mund të jemi të sigurt se lavdia e Perëndisë do të jetë shpërblimi ynë.
Mirëpritni praninë e Perëndisë në jetën tuaj dhe entuziazmohuni kur shihni se hiri i Tij ju fuqizon për çdo gjë që mund të përballeni.