Një gjë i kërkova Zotit dhe atë kërkoj: të banoj në shtëpinë e Zotit tërë ditët e jetës sime, për të soditur bukurinë e Zotit dhe për të admiruar tempullin e tij. PSALMI 27:4
Nëse do ta dinit se mund të kërkoni vetëm një gjë, cila do të ishte kërkesa juaj? Davidi tha se kishte vetëm një gjë që kërkonte: të banonte në praninë e Perëndisë.
Të jemi pranë Perëndisë është prioriteti numër një që ne duhet të kemi në jetë.
Por ne mund të shpërqendrohemi aq shumë me ngjarjet e jetës së përditshme saqë neglizhojmë gjënë më të rëndësishme – të kalojmë kohë me Perëndinë, të njohim Atë, të vlerësojmë Atë, të kërkojmë drejtimin e Tij.
Ka shumë njerëz bosh në botë të cilët përpiqen të mbushin boshllëqet në jetët e tyre me një makinë të re, një promovim, një marrëdhënie, ose diçka tjetër. Por përpjekjet e tyre për të gjetur përmbushje të plotë në ato gjëra nuk funksionojnë kurrë, sepse secila prej tyre ka një zbrazëti në formën e Perëndisë, dhe asgjë nuk mund ta mbushë atë përveçse Perëndisë vetë.
Unë të inkurajoj të kërkosh Perëndinë së pari dhe t’i vendosësh gjërat e tjera në jetën tënde pas Tij. Nëse do e vendosni Atë të parin në gjithçka që bëni, ju do të bekoheshit përtej çdo mase.
Perëndia është “I Vetmi” që mund t’ju japë gëzim të madh, paqe, kënaqësi dhe përmbushje.