Sepse, edhe pse ecim në mish, nuk luftojmë sipas mishit, sepse armët e luftës sonë nuk janë prej mishi, por të fuqishme në Perëndinë për të shkatërruar fortesat, 2 KORINTASVE 10:34
Ne jemi përfundimisht në luftë. Bibla na mëson që armët e luftës tonë nuk janë mishore, armë natyrore, por armë që janë të fuqishme në Perëndinë për të shkatërruar fortesat.
Pjesë e rritjes pranë Perëndisë është të punosh me Frymën e Shenjtë për të shkatërruar fortesat e egoizmit, krenarisë dhe vetë-rëndësisë. Largimi i qëllimshëm i fokusit nga vetja dhe bërja e diçkaje për dikë tjetër ndërkohë që po lëngojmë është një nga gjërat më të rëndësishme që mund të bëjmë për të kapërcyer të keqen.
Kur Jezusi ishte në kryq në vuajtje të forta, Ai gjeti kohë për të ngushëlluar hajdutin pranë Tij (Luka 23:39–43). Kur Stefani po vritej me gurë, ai u lut për ata që e vranë me gurë, duke i kërkuar Perëndisë që të mos ua ngarkonte mëkatin (Veprat e Apostujve 7:59–60).
Nëse kisha e Jezu Krishtit, trupi i Tij këtu në tokë, do të luftojë kundër egoizmit dhe do të ecë në dashuri, bota do të fillojë ta vërë re.
Ecja në dashuri është një pjesë e rëndësishme e luftës frymërore.