sepse, po të na dënojë zemra jonë, Perëndia është më i madh se zemra jonë dhe njeh çdo gjë. 1 GJONI 3:20
Faji dhe ndëshkimi janë probleme madhore për shumë besimtarë. Kënaqësia më e madhe e Satanit është të na bëjë të ndihemi keq për veten. Ai nuk na thotë kurrë sa larg kemi shkuar, por përkundrazi, ai vazhdimisht na thotë sa larg duhet të shkojmë ende.
Kur armiku sulmon, ju mund t’i thoni atij, “ Unë nuk jam atje ku duhet të jem, por faleminderit Perëndisë që nuk jam atje ku kam qenë. Unë jam në rregull dhe jam në rrugën e duhur.”
Ashtu si Davidi, ne mund të mësojmë të mbajmë veten të inkurajuar në Zotin ( 1 Samueli 30:6). Asnjë prej nesh nuk ka arritur gjendjen e përsosur dhe nuk mund të përsosim veten tonë. Shenjtërimi është punuar në jetën tonë nga Fryma e Shenjtë si një proces, kështu që mësoni të shijoni procesin.
Bibla mëson se mund të kemi falje totale të mëkateve tona (liri totale nga dënimi) nëpërmjet gjakut të Jezu Krishtit. Ne nuk kemi nevojë të shtojmë fajin tonë në sakrificën e Tij. Ai është më se i mjaftueshëm.
Jezusi tashmë ka bërë gjithçka që duhet bërë: Vepra ka mbaruar. Ai ka bërë një mënyrë që ju të jeni të falur. E vetmja gjë që duhet të bësh është ta marrësh. Falja e plotë është krejtësisht falas!
Mos lejo që djalli të të mbushë kokën me mendime padenjësie si mëkatar. Filloni ta shihni veten si drejtësinë e Perëndisë në Krishtin Jezus