Davidi shtoi: “Zoti që më shpëtoi nga kthetrat e luanit dhe nga panxha e ariut, do të më shpëtojë edhe nga dora e këtij filisteu”. Atëherë Sauli i tha Davidit: “Shko dhe Zoti qoftë me ty”.m1 SAMUELIT 17:37
Kur Davidi doli vullnetar të shkonte dhe të luftonte Goliathin, asnjë nuk e inkurajoi atë. Të gjithë, duke përfshirë mbretin, i thanë që ishte shumë i vogël, nuk kishte eksperiencë, shumë trupvogël, dhe nuk kishte armaturën e duhur. Por Davidi e inkurajoi veten e tij duke rinumëruar fitoret që Zoti i kishte dhënë në të shkuarën. Më në fund, Sauli i tha të shkonte, por ai akoma nuk e besonte se Davidi mund të fitonte.
Do të ketë shumë raste në jetë kur ju nuk do të keni dikë që t’ju inkurajojë, dhe gjatë atyre kohëve, juve do ju duhet ti mbështeteni vetëm Zotit . Armiku nuk pushon kurrë së përpjekuri të na dekurajojë. Ai do të na pengojë ne së qeni besnikë të bëjmë atë që Zoti do që ne të bëjmë. Sot, dua t’ju inkurajoj që me Zotin, ju mund të bëni çdo gjë që duhet të bëni.
Kur ju duhet të prisni për një kohë të gjatë për diçka, ose kur duket sikur të gjithë janë kundër jush, në vend që të jeni negativë dhe të dëshpëruar, thojini Zotit, “Zot, unë do të jem besnik ndaj Teje. Më kujtohet se çfarë ke bërë në jetën time në të kaluarën. Unë e di se do të më çlirosh përsëri. Unë kam besim tek ti që do të më shohësh.” Perëndia është më afër jush se ç’mendoni ju, dhe Ai nuk do t’ju lë në baltë asnjëherë.
Zoti është forca juaj, dhe çdo gjë është e mundur me Të