Dhe Jezusi duke i vështruar, tha: “Për njerëzit kjo është e pamundur, por për Perëndinë çdo gjë është e mundur”. Mateu 19:26
Shumë njerëz që kam takuar dëshirojnë të fillojnë në pikën A në jetën e tyre të krishterë, dhe sa hap e mbyll sytë duan të jenë në pikën Z. Shumica prej tyre janë të irrituar që nuk dinë se çfarë të bëjnë me jetën e tyre. Disa prej tyre kanë aq frikë se mos dështojnë dhe bëjnë gabime, saqë kjo i pengon të dalin jashtë.
Ne të gjithë kemi potencial të pazhvilluar, por ne kurrë nuk do ta shohim atë të manifestohet derisa të besojmë që ne mund të bëjmë çdo gjë që Perëndia thotë se mund të bëjmë në Fjalën e Tij. Nëse nuk hedhim hapa me besim, duke besuar se me Perëndinë asgjë nuk është e pamundur, Ai nuk mund të bëjë në ne punën që dëshiron të bëjë për të zhvilluar potencialin tonë. Duhet bashkëpunimi dhe vullneti ynë nëpërmjet besimit, vendosmërisë, bindjes dhe punës së palodhur për të zhvilluar atë që Ai ka vënë tek ne.
Askush nuk mund të vendosë për ne, por ne mund të jemi të vendosur për veten tonë. Nëse nuk jemi të vendosur, djalli do të na vjedhë gjithçka që kemi. Ju inkurajoj t›i jepni potencialit tuaj një formë duke bërë diçka me të. Nuk do ta gjeni kurrë atë që jeni në gjendje të bëni nëse nuk provoni kurrë asgjë. Mos kini frikë të hidhni hapa në atë që besoni se Perëndia po ju drejton të bëni. Kur të dilni jashtë, do të zbuloni se jeni të aftë për gjëra të mëdha
Ji guximtar, trim dhe bëhu gjithçka që mund të jesh!