që prova e besimit tuaj, që është shumë më i çmuar nga ari që prishet, edhe pse provohet me zjarr, të dalë për lëvdim, nder e lavdi në zbulesën e Jezu Krishtit 1 PJETRI 1:7
Ka shumë prova që na vijnë çdo ditë. Për shembull, shefi ynë na thotë të bëjmë diçka që nuk duam të bëjmë. Ose do të futemi në një vend parkimi dhe dikush e zë dhe e merr atë. Ose dikush na flet në mënyrë të vrazhdë kur i kemi bërë një nder.
Tek 1 Pjetrit 4:12, Pjetri na thotë të mos habitemi dhe të mos na duken çudi sprovat që duhet të durojmë, sepse nëpërmjet tyre Perëndia po vë në provë “cilësinë” ose karakterin tonë. Pjetri e dinte vlerën e testimit në jetën e tij. Ne të gjithë i kalojmë ato dhe nuk duhet të ngatërrohemi se pse vijnë në rrugën tonë. Zemrat tona provohen në mënyrë që të provohet karakteri ynë.
Çdo herë që Perëndia na jap një provë, ne mund të themi sa larg kemi arritur dhe sa larg duhet të shkojmë nga mënyra se si reagojmë ndaj provës. Qëndrimet e zemrës që as nuk e dinim se i kishim mund të dalin kur jemi në prova dhe testime. Kjo është një gjë e mirë sepse nuk mund të arrijmë kurrë atje ku duhet të jemi nëse nuk e pranojmë se ku jemi.
Çdo gjë që Perëndia lejon në jetët tona është për të mirën tonë, edhe nëse nuk ndihemi mirë për një kohë.