{"id":305,"date":"2020-03-01T19:34:03","date_gmt":"2020-03-01T19:34:03","guid":{"rendered":"https:\/\/tv.joycemeyer.org\/shqip\/?p=305"},"modified":"2022-03-11T16:18:07","modified_gmt":"2022-03-11T16:18:07","slug":"te-mposhtesh-pikellimin-dhe","status":"publish","type":"post","link":"https:\/\/tv.joycemeyer.org\/shqip\/2020\/03\/01\/te-mposhtesh-pikellimin-dhe\/","title":{"rendered":"T\u00eb mposht\u00ebsh pik\u00ebllimin dhe vetmin\u00eb"},"content":{"rendered":"

T\u00eb gjith\u00eb kalojm\u00eb koh\u00eb krizash dhe v\u00ebshtir\u00ebsish n\u00eb jet\u00ebn ton\u00eb. Shum\u00eb her\u00eb, ato shkaktohen nga humbje t\u00eb m\u00ebdha dhe pik\u00ebllimi vjen si pasoj\u00eb e tyre.<\/p><\/blockquote>\n

Pas humbjes s\u00eb nj\u00eb njeriu t\u00eb dashur, nj\u00eb divorci, nj\u00eb krize financiare q\u00eb e kthen jet\u00ebn tuaj p\u00ebrmbys, apo largimit nga nj\u00eb kish\u00eb ku keni shkuar p\u00ebr nj\u00eb koh\u00eb t\u00eb gjat\u00eb, cilado qoft\u00eb situata, \u00a0do t\u2019ju duhet t\u00eb kaloni p\u00ebrmes nj\u00eb pro\u00e7esi pik\u00ebllimi, n\u00eb m\u00ebnyr\u00eb q\u00eb t\u00eb merreni me t\u00eb. Dhe \u00ebsht\u00eb e r\u00ebnd\u00ebsishme t\u00eb kuptoni se ka ndryshim midis nj\u00eb pro\u00e7esi t\u00eb sh\u00ebndetsh\u00ebm pik\u00ebllimi dhe frym\u00ebs s\u00eb pik\u00ebllimit n\u00eb jet\u00ebn tuaj.<\/p>\n

Pik\u00ebllimi p\u00ebrkufizohet si nj\u00eb \u201cdhembje e thell\u00eb q\u00eb ndiejm\u00eb n\u00eb zem\u00ebr p\u00ebr humbjen e papritur t\u00eb ndonj\u00eb njeriu shum\u00eb t\u00eb dashur etj., hidh\u00ebrim i madh, pik\u00ebllim i thell\u00eb. Edhe pse \u00ebsht\u00eb i dhimbsh\u00ebm, kalimi p\u00ebrmes pro\u00e7esit t\u00eb pik\u00ebllimit \u00ebsht\u00eb n\u00eb fakt i sh\u00ebndetsh\u00ebm mend\u00ebrisht, frym\u00ebrisht dhe madje, edhe fizikisht. N\u00ebse nuk kaloni p\u00ebrmes tij, ju do t\u00eb keni nj\u00eb frym\u00eb pik\u00ebllimi n\u00eb jet\u00ebn tuaj, e cila do t\u2019ju pengoj\u00eb ngush\u00ebllimin dhe sh\u00ebrimin nga Per\u00ebndia dhek\u00ebshtu, nuk do t\u00eb jeni n\u00eb gjendje t\u00eb ecni p\u00ebrpara n\u00eb planin q\u00eb Ai ka p\u00ebr ju.<\/p>\n

\u00c7el\u00ebsi \u00ebsht\u00eb ky: t\u00eb kaloni p\u00ebrmes pro\u00e7esit t\u00eb pik\u00ebllimit, me hirin, ngush\u00ebllimin dhe forc\u00ebn e Per\u00ebndis\u00eb. P\u00ebr t\u2019ju ndihmuar me k\u00ebt\u00eb, un\u00eb d\u00ebshiroj t\u00eb ndaj me ju fazat e pik\u00ebllimit q\u00eb jan\u00eb t\u00eb sh\u00ebndetshme dhe q\u00eb duhet t\u00eb p\u00ebrjetohen normalisht.<\/p>\n

Tronditja dhe mohimi<\/strong> jan\u00eb fazat e para q\u00eb nj\u00eb person p\u00ebrjeton zakonisht, pasi ndodh nj\u00eb tragjedi. Ato \u201cmbajn\u00eb t\u00eb heshtur\u201d shp\u00ebrthimin fillestar dhe e b\u00ebjn\u00eb personin t\u00eb ndihet si i mpir\u00eb p\u00ebrball\u00eb situat\u00ebs, pra veprojn\u00eb si nj\u00eb lloj anestezie. N\u00eb fakt, Per\u00ebndia i p\u00ebrdor ato p\u00ebr t\u00eb na mbrojtur nga d\u00ebmtimi, sepse n\u00ebse ndjejm\u00eb t\u00eb gjitha emocionet nj\u00ebher\u00ebsh, nuk do t\u00eb mund t\u2019i p\u00ebrballonim dot.<\/p>\n

Trishtimi <\/strong>z\u00eb vend pasi fillon t\u00eb largohet tronditja. Ndonj\u00ebher\u00eb dhimbja \u00ebsht\u00eb kaq e madhe, sa q\u00eb shkakton simptoma fizike si: lodhja, pagjum\u00ebsia, humbja e oreksit, madje edhe dhimbja e kraharorit. Dallg\u00ebt e trishtimit mund t\u00eb na mbulojn\u00eb dhe, at\u00ebher\u00eb kur mendojm\u00eb se ndihemi m\u00eb mir\u00eb, nj\u00eb dallg\u00eb tjet\u00ebr vjen e na p\u00ebrplaset. Leximi i Psalmeve \u00ebsht\u00eb shum\u00eb ngush\u00ebllues n\u00eb koh\u00eb t\u00eb tilla.<\/p>\n

Zem\u00ebrimi<\/strong> \u00ebsht\u00eb zakonisht faza tjet\u00ebr e pik\u00ebllimit. Gj\u00ebja e par\u00eb q\u00eb nj\u00eb person d\u00ebshiron t\u00eb b\u00ebj\u00eb, \u00ebsht\u00eb t\u00eb faj\u00ebsoj\u00eb. Disa zem\u00ebrohen me Per\u00ebndin\u00eb dhe e faj\u00ebsojn\u00eb At\u00eb p\u00ebr tragjedin\u00eb; t\u00eb tjer\u00eb faj\u00ebsojn\u00eb veten, sepse ndihen sikur nuk b\u00ebj\u00eb gjith\u00e7ka q\u00eb duhej t\u00eb b\u00ebnin p\u00ebr ta parandaluar at\u00eb. Dhe ndonj\u00ebher\u00eb, njer\u00ebzit faj\u00ebsojn\u00eb dik\u00eb tjet\u00ebr.<\/p>\n

N\u00ebse po luftoni me zem\u00ebrimin ndaj Per\u00ebndis\u00eb, duhet t\u00eb kuptoni se armiku d\u00ebshiron q\u00eb ne t\u00eb zem\u00ebrohemi me Per\u00ebndin\u00eb dhe t\u00eb besojm\u00eb se Ai nuk na do e nuk merakoset p\u00ebr ne, sidomos kur nuk e kuptojm\u00eb se p\u00ebrse ka ndodhur di\u00e7ka dhe nuk i zbulojm\u00eb dot arsyet. Por e v\u00ebrteta \u00ebsht\u00eb se Per\u00ebndia \u00ebsht\u00eb i mir\u00eb! Kur ne t\u00eb arrijm\u00eb n\u00eb pik\u00ebn ku t\u2019i besojm\u00eb plot\u00ebsisht Atij, mund t\u00eb jemi mir\u00eb, edhe n\u00ebse nuk i kuptojm\u00eb t\u00eb gjitha.<\/p>\n

Depresioni <\/strong>shpesh pason zem\u00ebrimin dhe b\u00ebn q\u00eb personi t\u00eb ndihet sikur shpresa p\u00ebr t\u00eb ardhmen e tij, ka humbur. Aktivitetet e jet\u00ebs duken pa kuptim, duke b\u00ebr\u00eb k\u00ebshtu q\u00eb personi t\u00eb t\u00ebrhiqet nga lidhjet me familjar\u00ebt dhe me miqt\u00eb. Ky \u00ebsht\u00eb nj\u00eb reagim normal ndaj humbjes, por n\u00ebse zgjat p\u00ebr shum\u00eb koh\u00eb, do t\u00eb ishte mir\u00eb q\u00eb t\u00eb flisnit me nj\u00eb k\u00ebshillues, apo me dik\u00eb q\u00eb ka p\u00ebrjetuar t\u00eb nj\u00ebjt\u00ebn gj\u00eb q\u00eb po kaloni edhe ju.<\/p>\n

Pranimi dhe shpresa<\/strong> jan\u00eb faza e fundit e nj\u00eb pro\u00e7esi t\u00eb sh\u00ebndetsh\u00ebm pik\u00ebllimi. Sapo keni kaluar koh\u00ebn q\u00eb ju nevojitet p\u00ebrmes fazave t\u00eb tronditjes, trishtimit, zem\u00ebrimit dhe depresionit prej humbjes, mund t\u00eb gjeni hirin dhe forc\u00ebn n\u00eb Krishtin, p\u00ebr t\u2019u ngritur e p\u00ebr t\u00eb ecur p\u00ebrpara. Por duhet t\u00eb merrni vendimin se do ta b\u00ebni me ndihm\u00ebn e Per\u00ebndis\u00eb, sepse kjo \u00ebsht\u00eb e vetmja m\u00ebnyr\u00eb p\u00ebr ta ndar\u00eb mendjen e p\u00ebr t\u00eb qen\u00eb t\u00eb q\u00ebndruesh\u00ebm, drejt fitores n\u00eb kap\u00ebrcimin e pik\u00ebllimit.<\/p>\n

Gj\u00ebja m\u00eb entuziazmuese n\u00eb lidhje me k\u00ebt\u00eb faz\u00eb t\u00eb fundit \u00ebsht\u00eb se,\u00a0 tani \u00ebsht\u00eb koha p\u00ebr nj\u00eb fillim t\u00eb ri. Dhe nuk \u00ebsht\u00eb kurr\u00eb von\u00eb p\u00ebr fillime t\u00eb reja n\u00eb jet\u00ebn tuaj, kur ju ecni me Krishtin. Per\u00ebndia \u00ebsht\u00eb n\u00eb an\u00ebn tuaj dhe Ai do t\u2019ju ndihmoj\u00eb t\u2019i hidhni hapat nj\u00eb e nga nj\u00eb, duke ecur me besimin n\u00eb T\u00eb dhe duke l\u00ebvizur p\u00ebrpara n\u00eb planet e mira q\u00eb Ai ka p\u00ebr ju.<\/p>\n

D\u00ebshiroj t\u00eb them edhe nj\u00eb her\u00eb se \u00e7el\u00ebsi p\u00ebr nj\u00eb pro\u00e7es t\u00eb sh\u00ebndetsh\u00ebm pik\u00ebllimi \u00ebsht\u00eb kalimi p\u00ebrmes. \u00cbsht\u00eb e r\u00ebnd\u00ebsishme q\u00eb ju t\u00eb p\u00ebrballeni me realitetin e humbjes n\u00eb jet\u00ebn tuaj dhe m\u00eb pas, ta lejoni veten t\u00eb kaloj\u00eb p\u00ebrmes nj\u00eb kohe pik\u00ebllimi, dhimbjeje dhe lot\u00ebsh. N\u00ebse do ta b\u00ebni k\u00ebt\u00eb, kur t\u00eb vij\u00eb koha q\u00eb Per\u00ebndia t\u2019i flas\u00eb zemr\u00ebs suaj e t\u2019i thot\u00eb: \u201c\u00cbsht\u00eb koha t\u00eb ngrihesh e t\u00eb vazhdosh p\u00ebrpara\u201d, at\u00ebher\u00eb do t\u00eb jeni n\u00eb gjendje ta b\u00ebni k\u00ebt\u00eb n\u00eb besim.<\/p>\n

Mos harroni se\u2026<\/p>\n