Yu save amamas long laip bilong yu o nogat? Sapos yu lukim olsem laip bilong yu i no ron gut tumas, yu ken save, i no yu tasol i save stap olsem. Planti lain manmeri i stap wantaim yu long wankain hevi long laip bilong ol. Planti man na meri i les tru long lukim ol kain samting i save kamap long laip bilong ol. Na ol i save ting, “Wanem taim tru na bai mi amamas long laip bilong mi?”
Sampela taim ol manmeri i save ting olsem, “Mi wok long stap nogut olgeta taim, i mas mi no save lotu gut, a? Mi mas strong longbihainim gutpela lotu pasin na bai laip bilong mi i go gut gen.” Na ol i trai hat long bihainim pasin ol yet i ting em i gutpela lotu pasin. Tasol dispela pasin ol i tingting long bihainim, em ol kain kain lo tasol. “Yu mas no ken mekim olsem” na ol arapela kain lo i hat tumas long ol man i bihainim gut.
Download