کیونکہ اُس نے ایک ہی قربانی چڑھانے سے اُن کو ہمیشہ کے لئے کامِل کردیا ہے جو پاک کئے جاتے ہیں …پھر وہ یہ کہتا ہے کہ اُن کے گناہوں اور بے دینیوں کو پھر یاد نہ کروں گا اور جب اُن کی معافی ہوگئی ہے تو پھر گناہ کی قربانی نہیں رہی۔ عبرانیوں 10 : 14 ، 17
خُدا کی معافی ہمیشہ کے لئے ہے ــــ جب تک ہماری زندگیاں ہیں یہ جاری رہے گی، یہ ہر روز کے لئے ہے۔ جب خُداوند یسوع نے صلیب پر اپنی جان دی، اس نے نہ صرف وہ سب کچھ جو ہم نے ماضی میں کیا معاف فرما دیا بلکہ اُس نے ہمارے ہر اس گناہ کو بھی جو ہم مستقبل میں کرسکتے ہیں معاف کرنے اور بھولنے کا وعدہ کیا ہے۔
وہ ہمارے خیالات کو ہمارے سوچنے سے پہلے ہی جانتا ہے؛ وہ ہمارے منہ سے نکلنے والے الفاظ کو ہمارے اُنہیں اپنے منہ سے اَدا کرنے سے پہلے جانتا ہے؛ وہ ہمارے ہر غلط فیصلہ سے جو ہم کرچکے ہیں آگاہ ہے ــــ اور اس نے اِن سب کو ڈھانپ رکھا ہے۔ ہمیں صرف یہ کرنا ہے کہ اس کے ساتھ اپنے تعلق کو قائم رکھیں۔ کیونکہ وہ ہم سے جس چیز کی سب سے زیادہ چاہت کرتا ہے وہ بہترین کارکردگی یا کامل طرزِ عمل ہے یا کامل رویہ نہیں ہے لیکن وہ ایسا دِل ہے جو اُس سے حقیقی مُحبّت کرتا ہے۔
آج کا قوّی خیال: جب خُداوند یسوع مسیح نے صلیب پر میرے لئے اپنی جان دی تو اُس نے میرے اُن تمام گناہوں کو ڈھانپ لیا جو مجھ سے کبھی سرزد ہوں گے۔