پھر اُس نے اُن سے کہا خبردار رہو کہ کیا سُنتے ہو۔ جس پیمانہ (جس سچائی سے واقف ہو کر) سے تم ناپتے (سوچنا اور دیکھنا بھالنا) ہو اُسی (نیکی اور سے علم سے) تمہارے لئے ناپا (اس کے علاوہ) جائے گا۔ مرقس 4 : 24
کلام کو پڑھنا اور سننا اچھّا ہے۔ لیکن جب ہم اپنی سوچوں کو اس کے لئے مخصوص کردیتے ہیں ہم اسے زیادہ گہرائی سے سمجھنا شروع کردیتے ہیں۔ خُدا کا کلام قدرت سے معمور ہے اور اس کے اندر ہمیں تبدیل کرنے کی قوّت ہے۔ جس طرح ایک اچھّی، غذائیت سے بھرپور خوراک سے فائدہ اُٹھانے کے لئے اس کو اچھّی طرح چبانے اور نگلنے کی ضرورت ہوتی ہے، اسی طرح خُدا کے کلام کو بھی ہضم کرنے کی ضرورت ہے تاکہ وہ ہماری زندگی کا حصّہ بن جائے۔ کسی حوالہ کو چُنیں اور سارا دِن اس پر غور کریں اور پھر وہ آپ کے دِل میں جڑ پکڑ لے گا اور آپ کے لئے زیادہ بامعنی بن جائے گا۔
آج کا قوّی خیال: جس قدر زیادہ میں کلام کے بارے میں سوچتا/سوچتی اور اس کے مطالعے کے لئے خود کو مخصوص کرتا/کرتی ہوں اتنا ہی زیادہ مجھے اس میں سے حاصل ہوتا ہے۔