اور جب اُس نے قَوم سے مشورہ کر لِیا تو اُن لوگوں کو مُقرّر کِیا جو لشکر کے آگے آگے چلتے ہُوئے خُداوند کے لِئے گائیں اور حُسنِ تقدُّس کے ساتھ اُس کی حمد کریں اور کہیں کہ خُداوند کی شُکرگُذاری کرو کیونکہ اُس کی رحمت اَبد تک ہے۔ 2 تواریخ 20 : 12
اِس آیت میں لوگ یقینی طور پر یہ تین باتیں جان چکے تھے: (1) دشمن کے خلاف وہ کمزور ہیں؛ (2) وہ نہیں جانتے تھے کہ کیا کریں؛ اور (3) اُن کو خُدا پر اپنی نظریں لگانے کی ضرورت تھی۔
جب وہ یہ باتیں جان گئے اور آزادی سے خُداوند کے سامنے اُن کا اِقرار کیا، تو اُس نے اُن سے کہا: "تم اس بڑے انبوہ کی وجہ سے نہ تو ڈرو اور نہ گھبراؤ کیونکہ یہ جنگ تمہاری نہیں بلکہ خُدا کی ہے…تم کو اِس جگہ میں لڑنا نہیں پڑے گا؛ تم قطار باندھ کر چپ چاپ کھڑے رہنا اور خُداوند کی نجات جو تمہارے ساتھ ہے دیکھنا خوف نہ کرو اور ہراسان نہ ہو۔ کل اُن کے مقابلہ کو نکلنا اور کیونکہ خُداوند تمہارے ساتھ ہے!” (2 تواریخ 20 : 15 ، 17)
آپ کی جگہ یہ ہے کہ خُداوند کا انتظار کریں، اور پرستش اور شُکرگزاری کرتے ہوئے آپ کی آنکھیں اُس پر لگی رہیں، ، جب کہ اِس سارے عمل کے دوران وہ سب چیزوں کو آپ کی بھلائی کے لئے استعمال کرے۔
آج کا قوّی خیال: میری آنکھیں خُداوند پر لگی ہیں اور جنگ اُس کی ہے۔