مگر کِسی بات کی فِکر نہ کرو بلکہ ہر ایک بات میں تُمہاری درخواستیں دُعا اور مِنّت (مخصوص درخواستیں) کے وسِیلہ سے شُکرگُذاری کے ساتھ خُدا کے سامنے پیش کی جائیں۔ فلپیوں 4 : 6
میں پُرزور اپیل کرتی ہوں کہ جب بھی آپ پر "فکر کا حملہ” ہو تو خُدا کے کلام کا اقرار کریں۔ ایسا کرنا دشمن کے خلاف دو دھاری تلوار کو چلانے کے مترادف ہے (دیکھیں عبرانیوں 4 : 12 اور افسیوں 6 : 17)۔ جب حملہ ہوتا ہے تو تلوار کو میان میں رکھنے کا کوئی فائدہ نہیں ہوتا، خُدا نے ہمیں اپنے کلام کی تلوار عطا کی ہے پس ہمیں اُسے استعمال کرنا چاہیے! فلپیوں 4 : 6 جیسے حوالہ جات کو یاد کریں اور جب دشمن حملہ آور ہو تو اُس پر اسی ہتھیار سے حملہ کریں جس کو خُداوند یسوع نے استعمال کیا: یعنی خُدا کا کلام۔
وہ کلام جو اِیماندار کے مُنہ سے نکلتا ہے اور جس کی پشت پر اِیمان ہوتا ہے وہ واحد موثر ہتھیار ہے جسے فکر اور پریشانی کے خلاف جنگ جیتنے کے لئے استعمال کیا جاسکتا ہے۔
آج کا قوّی خیال : میں فکر اور پریشانی سے آزاد ہوں۔