اِس سبب سے نادان نہ بنو بلکہ خُداوند کی مرضی کو سمجھو کہ کیا ہے۔ افسیوں 5 : 17
خُدا کی مرضی یہ ہے کہ ہم روحانی طور پر ترقی کریں اور بالغ ہوں۔ خُدا کی مرضی یہ بھی ہے کہ ہمارے تعلقات اچھّے ہوں۔ خُدا کی مرضی یہ بھی ہے کہ ہماری زندگیاں اچھّی ہوں۔
اگر آپ کا ماضی منفی رہا ہے، تو اس کی وجہ یہ ہے کہ دشمن مداخلت کرکے اندر داخل ہوگیا تھا۔اس سے کوئی فرق نہیں پڑتا کہ ماضی میں آپ کن حالات سے گزرے یا اِس وقت آپ کن حالات سے گزر رہے ہیں ، آپ اپنے مستقبل کے بارے میں مثبت رہیں۔ اس کے بارے میں مثبت سوچیں اور مثبت بات کریں۔
یہ کہنا اچھّی بات نہیں ہے کہ "جو کچھ پہلے میرے ساتھ ہوا وہی اَب بھی ہوگا”۔ میں آپ کی حوصلہ افزائی کرنا چاہتی ہوں کہ آپ اپنے مستقبل کا مثبت رویا دیکھیں۔ خُدا نے فرمایا ہے کہ لوگ بغیر رویا کے ہلاک ہو جاتے ہیں (دیکھیں امثال 29 : 18)۔ اس سے کوئی فرق نہیں پڑتا کہ آپ کے ماضی میں کیا ہوا، یا اس وقت کیا ہورہا ہے، آپ کو یقین ہونا چاہیے کہ آپ کے مستقبل میں کوئی عظیم کام ہوگا۔
آج کا قوّی خیال: آج میری زندگی میں کچھ اچھّا ہونے والا ہے۔