CI I SE AY GA BA REY
“Zama Irikoy ga ba ndunnya hal a na nga ize follonka no, zama boro kulu kaŋ ga cimandi ma si halaci amma bora ma du fundi hal abada.” – YOHANNA 3:16
Irikoy ga ba almayaali wodin se no, a na iri taka iri ma ciya a izeyaŋ. A si ba iri ma teerayaŋ te sanda zanka kaŋ man te lakkal gina amma, iri ma te sanda a izeyaŋ. A ga ba iri ma bara nga dabaro cire, iri ma kaaba Nga ga, iri ma ba Nga, iri ma naŋ mo A ma ba iri. A ga ba iri ma naanay Nga ga, iri m’a ce waati kulu kaŋ iri gonda a muraadu. A ga ba Nga ma margasinay nda iri afo fo kulu!
Waati kaŋ iri ga Yohanna 3:16 caw, i boobo iri game ra ga miila kaŋ: “oho, ay ga bay kaŋ Yesu bu ndunnya se” amma ay ga ba ay ma ne araŋ se, manti boro kayna fo yaŋ se no Yesu bu. A bu iri afo fo kulu se. A bu ni hinne se!