CIA SIAB Tham Nyuaj Siab

Tej zaum koj yuav raug tej xwmtxheej phem uas tsis tau pom dua, thiab koj tsis ruaj siab tias yuav kawm paub qhov xwmtxheej ntawd thiab mus tom ntej tau li cas. Lossis tej zaum koj tabtom raug ceeblaj kev mob kev nkeeg thiab tsis muaj txoj hauv kev yuav mus ntsib kws tshuaj kom kho tau tus mob. Kuv paub tias niaj hnub no muaj coob tus neeg, tsis paub tias yuav muab mov qhov twg los noj rau pluas tom ntej. Thaum peb ntsib tej yam nyuaj heev, peb yuav raug txomnyem kom thim thiab yeem swb. Txawm li cas los xij, qhov loj tshajplaws uas peb ua tau ces yog tso siab rau Vajtswv thiab muaj kev vam ntsoov. Tiamsis qhov tseeb tiag, kev cia siab yog dabtsi?

Kev cia siab yog muaj kev vam uas ruaj siab tias yuav muaj yam zoo tshwmsim. Kev cia siab ntsig txog peb txoj kev ntseeg thiab yam uas peb ntseeg. Thaum peb muaj cuabkav cia siab, nws ua rau peb lub neej muaj kev zoo siab thiab nyob kaj siab lug.

Yeebncuab xav kom peb plam kev cia siab. Nws xav ntxias peb tias txhua yam piam tag thiab tsis muaj qhov yog. Tiamsis Vajtswv xav kom peb muaj kev cia siab – ntseeg thiab cia siab rau tej yam zoo ntawm Nws. Qhov tseeb tiag, phau Vajluskub hais tias Nws yog “Tus Vajtswv ntawm txojkev cia siab,” puv npo txojkev hlub thiab kev pib dua tshiab (saib Loos 15:13).