Kholofelo nakong tše boima
Ge re feta ka gare ga ga dilo tše diboima bja go makatša, re ka lekega go tlogela gomme ra ineela. Lega go le bjalo, selo se tee se segolo seo re ka se dirago ke go bota Modimo gomme ra dula re tletše kholofelo. Eupša ge e le gabotse, kholofelo ke eng?
Kholofelo ke tebelelo ye e tshepo ya gore go tlo direga selo se sengwe se sebotse. E tswalana kudu le tumelo ya rena le seo re se dumelago. Ge re na le kholofelo e sa tshikinyegego, e tlatša bophelo bja rena ka lethabo le khutšo.
Lenaba le nyaka gore re se be le kholofelo. O nyaka go re kgodiša gore dilo ka moka di lahlegile gomme ga go selo seo se tlago go ba se se lokilego. Eupša Modimo o nyaka gore re tletše kholofelo-re dumele le go letela dilo tše dikgolo go tšwa go yena. Go bolela nnete, Beibele e re ke “Modimo wa kholofelo,” yo a tletšego kgaugelo le mathomo a maswa (bona Baroma 15:13).