Jou hart is die belangrikste deel van jou. Dit is nie net ‘n fisiese orgaan wat jou bloed laat pomp nie, maar wanneer die Bybel na die hart verwys, praat dit oor wie jy werklik is. Elke mens het ‘n innerlike en uiterlike lewe. Daar is die persoon wat ons aan almal rondom ons wys, en die deel van ons wat net God kan sien, die deel waarvoor Hy regtig omgee.
Die Bybel sê vir ons om ‘n volmaakte hart te hê. Matteus 5:48 (NLV) sê, ‘’ “Wees julle dan volkome in julle liefde, soos julle hemelse Vader volkome in sý liefde is. Hy het mos álle mense lief.” As jy ‘n perfeksionis is, is hierdie ‘n skrikwekkende vers, want dit is ‘n stryd om altyd perfek te wees. Maar dit is nie wat dit beteken om volmaak te wees nie, volgens die Skrif.
’n Persoon met die perfekte hart is iemand wat God liefhet en altyd wil groei.
Wat God Regtig Soek
2 Kron 16:9 (NLV) sê; ‘’ Die Here kyk oor die hele aarde om hulle te help wat met hulle hele hart op Hom vertrou. Wat ’n dwaas was jy nie! Daarom sal jy van nou af gedurig oorloë hê.” Hierdie vers sê nie dat God net kan werk deur diegene wat volmaak is nie, maar deur diegene wat ‘’ten volle aan Hom toegewy is’’.
Net soos ons nie onsself volmaak hoef te maak voordat ons na Christus toe kom nie (wat ons in elk geval nie kan doen nie), hoef ons ook nie perfek op elke terrein van ons lewe op te tree voordat God in ons en deur ons sal werk nie. Toe ek jare gelede vir die eerste keer ‘n tuisbybelstudie begin gee het, het ek kort kortbroekies gedra en gerook terwyl ek die Woord onderrig het, en ek op my sitkamervloer gesit het.
Ek moes nog baie groei, maar ek was regtig lief vir God en wou Hom behaag. Hy het my ontmoet waar ek was en saam met my gewerk om my te kry waar ek moes wees. Ek sal altyd ruimte hê om te groei in my wandel met Christus, terwyl ek op hierdie aarde is en ek is so dankbaar dat God aanhou werk in my en deur my op elke vlak van my reis elke dag van my lewe.
Hoe Toegewyd is jy?
‘n Persoon met ‘n volmaakte hart is iemand wat God liefhet met sy hele hart, siel, verstand en krag en wat ten volle aan Hom toegewy is. Die vraag is: watter areas van jou lewe het jy van God teruggehou? Het jy al jou tyd aan Hom gegee, gebid en die Woord bestudeer? Gee jy van jouself aan ander, help jy om in hul behoeftes te voorsien soos jy kan? Bestuur jy jou finansies soos God wil hê jy moet, leef jy binne jou vermoë, spaar, spandeer en gee soos Hy dit op jou hart lê om te doen?
Dit is belangrik om te onthou dat alles wat God ons vra om te doen, dit altyd vir ons eie beswil is. Aanvanklik kan dit opofferend voel om dinge op te gee waarvan ons hou of wil hê. Soos ons God gehoorsaam, vind ons later dat dit soveel meer was waarvan ons nie eers geweet het nie en wat God wou hê, was op die lang termyn baie beter vir ons.
Meer as enigiets anders sê die Bybel God wil hê ons moet Hom liefhê (Lukas 10:27) en liefde offer op en gehoorsaam. Hoe meer ons Jesus liefhet, hoe makliker is dit om Hom te gehoorsaam en te vertrou, want wanneer jy iemand regtig liefhet, wil jy hulle behaag en gelukkig maak. Wat God gelukkig maak, is om jou te help om enigiets te doen wat jou ‘n beter lewe sal gee.
Gee jou Hart ‘n Selfondersoek
Dit is moontlik om te lyk asof jy een ding doen terwyl jou hart iewers anders is. Jy kan glimlag en optree en goed lyk van buite, terwyl jy van binne heeltemal anders voel. Ek onthou tye toe ek in die kerk was, met my hande in die lug singende ”I surrender all”, en gedink: ”As Dave dink ek kook vandag vir hom kos, het hy dit heeltemal mis.’’
Ons het almal af en toe ‘n ontmoeting met onsself nodig om te ondersoek wat werklik in ons harte is. In Markus 7:15 sê Jesus, ‘’ Wat van buite af in jou ingaan, kan jou nie onrein maak nie; wat uit jou uitgaan, dít is wat jou onrein maak.” Hierdie vers maak dit duidelik dat dit wat uit ‘n mens se hart kom is wat regtig saak maak.
My doel met hierdie boodskap is om jou te help om ‘n toegewyde besluit te neem om God met jou hele hart lief te hê en om elke dag meer en meer op Hom verlief te raak. Soos jy dit doen sal jy ontdek hoe dit die sleutel is om ‘n hart te hê wat meer soos Syne is … ‘n perfekte hart.