Daar sal julle weer na die Here julle God begin soek. As julle met hart en siel na Hom soek, sal julle Hom vind. (Deuteronomium 4:29)
Vasberadenheid is nodig as ons iets goeds in die lewe wil hê … insluitend ‘n dieper verhouding met God. Die apostel Paulus wou nie net van God weet nie; hy was vasbeslote om Hom persoonlik te ken (sien Filippense 3:10). Hy wou ‘n intieme, persoonlike verhouding met Hom hê. Dit is beskikbaar vir enigiemand wat dit verlang en bereid is om God heelhartig te soek.
Daar is soveel meer om te leer oor hoe wonderlik God is en ons sal meer weet soos ons Hom meer soek. Soos ons ons lewensreis saam met Hom doen, vind ons dat Hy in allerhande situasies by ons is. Hy verlaat ons nooit nie. Wanneer ons God se krag in ons lewens ervaar het, word dit makliker om Hom te vertrou die volgende keer as ons ‘n behoefte het.
Vandag se Gedagte
Moet nooit tevrede wees om van God te weet nie – wees vasbeslote om Hom persoonlik en intiem te ken.
Delf dieper in God se Woord: Bestudeer Psalm 46:10; Efesiërs 3:17-19