‘’Ag, as hulle maar altyd sulke harte sal hê dat hulle eerbied vir My kan hê en al my gebooie gehoorsaam! As hulle dit doen, sal hulle en hulle nageslag vir altyd voorspoedig wees.’’ —Deuteronomium 5:29 NLV
God praat nie net met leiers in die bediening nie. Hy praat met almal in elke lewenswandel wat ‘n persoonlike verhouding met Hom het. Baie mense verwag glad nie om van God te hoor nie, maar in werklikheid praat Hy met ons almal. Hy praat met jou.
Natuurlik kan jy Hom nie hoor en doen wat Hy vir jou sê nie, tensy jy na Sy stem luister. Jy luister deur jou Bybel te lees, tyd te neem om stil in Sy teenwoordigheid te wees en jou hart voor te berei om gereeld van Hom te ontvang. Op hierdie manier kan jy Sy opdragte volg en Sy gebooie onderhou.
Lees Deuteronomium 5:29. Kan jy die erns in God se stem hoor terwyl Hy die stelling maak? Hy wil hê dat ons Sy gebooie moet onderhou sodat dit met ons goed kan gaan. Hy gee om vir ons welstand en weet dat die enigste manier waarop Hy vir ons kan sorg, is as ons bereid is om te luister en gehoorsaam te wees.
Maak jou verhouding met Jesus Christus jou lewenstyl en wees ‘n getroue doener van die Woord. Hoor Sy wysheid en volg dit vandag.
Gebedsbeginpunt
Vader, ek glo dat U met my praat en ek wil U stem ken. Ek sal doelbewys luister en dit uitleef wat U vir my sê wat om te doen sodat ‘’dit met my goed kan gaan.’’