Hy wat woon in die skuilplek van die Allerhoogste, sal rus in die skadu van die Almagtige.– Psalm 91:1
God se Woord sê vir ons om standvastig te bly te midde van enige storm in die lewe. Die eerste fout wat ons dikwels maak is om te luister na die ‘dit is net te moeilik’-leuen. Satan is ’n leuenaar, en hy laat altyd gedagtes by ons posvat om ons te oortuig van ons onvermoëns. Hy wil ons laat glo ons kan nie, wil nie en sal nooit kan doen wat God van ons vra nie. Die duiwel is ’n halfleë vent, maar God sien altyd die glas as vol, besig om oor te loop. Kies God se houding en wees ’n ‘ek dink ek kan’-mens in plaas van ’n ‘ek dink ek kan nie’-mens. As jy glo, kan jy standvastig en in beheer van jou emosies bly gedurende tye wanneer dit moeilik is om dit te doen. Dan sal jy vind dat God deur jou geloof werk en jou in staat stel om te doen wat jy glo.
Kraggedagte
God gee my die krag om in alle omstandighede standvastig te bly.