Moenie te gou praat nie … – Prediker 5:1
Dit het ’n paar jaar gelede mode geword om in staat te wees om baie dinge gelyk te kan doen – en dikwels is dit vandag nog ’n vereiste in vele posbeskrywings. Daar word van mense verwag om allerhande take gelyk uit te voer en allerhande verantwoordelikhede en verpligtings na te kom sonder dat iets agterweë bly. Ek glo nie dit is ’n ideale situasie nie en ek dink nie so ’n besige lewe met soveel verpligtings behoort ons daaglikse roetine te word nie. Om die waarheid te sê, ek dink dit veroorsaak baie stres as ons te veel dinge gelyk probeer doen en dit voorkom dat ons die lewe geniet.
Ons is geneig om ‘te gou te praat’ en ons beskikbaar te stel vir allerhande dinge waarvoor ons nie regtig tyd het nie en wat ons nie regtig hoef te doen nie. Moenie soveel hooi op jou vurk laai deur ‘te gou te praat’ en te veel dinge aan te pak nie. Fokus liewer op die een ding waarmee jy besig is. Sulke konsentrasie verg dissipline, maar dit is die moeite werd omdat jy die huidige oomblik baie meer sal geniet.
Kraggedagte
Ek leef in die oomblik en bepaal my aandag by die taak waarmee ek besig is.