Hy sal nie voortdurend aankla, of vir altyd kwaad wees nie. – Psalm 103:9
Wanneer iemand my sleg behandel, voel ek aanvanklik kwaad. Maar daarna gebruik ek soveel tyd as wat nodig is, minute of ure, na gelang van hoe ernstig die slegte behandeling was, om die emosie onder beheer te bring – en ek doen dit deur met God te praat. Wanneer jy kwaad voel, oorweeg die volgende toepaslike optrede: Praat met jouself oor hoe dwaas dit is om een of ander onbedagsame mens toe te laat om jou dag te ruïneer, doen wat die Skrif sê en bid vir die persoon wat jou seergemaak het. Besluit om die beste te glo van die persoon wat jou beledig het, probeer aan iets anders as die belediging dink en hou jou gedagtes liewer besig met iets aangenaams.
Dit help ook om te onthou dat ons ook dinge doen wat ander seermaak, dikwels sonder dat ons dit bedoel het. Om die Woord van God te gehoorsaam en daaroor na te dink is soos medisyne vir die siel. Dit is nie net leersaam nie, maar verskaf ook vertroosting in elke moontlike situasie.
Kraggedagte
Ek word nie gou kwaad nie en ek vergewe gou.