‘Ek sal nie meer baie langer met julle praat nie, want die regeerder van hierdie wêreld is op pad, alhoewel hy geen houvas op My het nie.’ – Johannes 14:30
Hierdie vers leer ons hoe belangrik dit is om nie blindelings te praat soos ons emosies ons voorskryf nie. Jesus het vir sy dissipels gesê dat Hy binnekort die wêreld sou verlaat. Die lyding wat vir Hom voorgelê het, was onbeskryflik, maar Jesus was vasbeslote om nie woorde te gebruik wat Satan die kans sou gee om God se plan in die wiele te ry nie.
Daar is niks wat meer selfbeheersing verg as om nie negatief te praat in ’n negatiewe situasie nie. Die mond wil alles uitbasuin wat jy op daardie oomblik dink en voel. Maar op sulke tye moet jy dieper delf en vanuit jou hernude gees dink en praat. Op sulke tye is dit belangrik om met God saam te stem en te sê wat Hy in sy Woord sê.
Kraggedagte
Ek sal nie so praat dat die duiwel mag oor my kry nie.