Wat mense saai, sal hulle ook maai! – Galasiërs 6:7
Ons kan ’n tamatiesaadjie met die blote oog sien, en ons verstaan die proses van plant wat lei tot ’n verwagte tamatie-oes. Ons kan nie gesindhede, gedagtes of woorde sien nie, maar dit is saadjies wat in die geestelike (of onsienlike) ryk funksioneer. Dit produseer ook ’n oes gebaseer op wat aanvanklik geplant is.
As jy aanhoudend negatiewe gedagtes, gesindhede en woorde saai, sal dit vele negatiewe resultate in jou lewe produseer. Net so, as jy positiewe, lewegewende gedagtes, gesindhede en woorde saai, sal jy positiewe en goeie resultate sien. ’n Boer plant nie tamatiesaad en verwag om broccoli te oes nie. Jy moenie negatiewe woorde-saad plant en hoop om ’n goeie oes te kry nie. Wanneer jy eers waarlik die beginsel verstaan en daarvolgens optree, kan jy jou woorde verander en dit kan jou lewe verander.
Kraggedagte
Ek verwag ’n goeie oes van die positiewe woorde wat ek saai.