Onthou net, die Here soek na mense wat Hom volkome vertrou; dan help Hy hulle. – 2 Kronieke 16:9 (Die Boodskap)
God is op soek na mense wat passievol is oor dinge waaroor Hy passievol is. Hy is op soek na mense wat Hom heelhartig sal navolg. Hy is ook op soek na mense wat diegene liefhet saam met wie hulle werk, asook diegene met wie hulle hul buurt en huis deel. Ook mense saam met wie en deur wie Hy kan werk. As jy bereid is om jou eie wil opsy te skuif en te begin begeer wat God begeer, dan is jy die soort mens na wie God op soek is.
God is altyd op soek ‘sodat Hy dié kan help wat met hulle hele hart op Hom vertrou’. Dit beteken nie dat ons alles wat ons doen perfek moet doen nie, maar wel dat ons ’n hart moet hê wat wil hê wat God wil hê.
Kraggedagte
Ek begeer met my hele hart om deur God gebruik te word.