Гашуудсан үедээ сэтгэл хөдлөлөө удирдах нь

Гашуудсан үедээ сэтгэл хөдлөлөө удирдах нь

Сэтгэл минь ээ, чи юунд цөхөрнө вэ? Яагаад чи миний дотор үймүүлэгдэнэ вэ? Бурханд найд, учир нь Түүний оршихуйн авралын төлөө Би Түүнийг дахин магтах болно. — Дуулал 42:5

Эмгэнэлт явдалтай тулгарсан хүмүүс ихэвчлэн сэтгэл санааны хувьд тогтворгүй болж, уй гашуугаа илэрхийлэх хэрэгтэй байдаг. Тэд өөрийн эрхгүй уйлж, дарамт зовлонгийн нулимс эсвэл өөр мэдрэмж нь огт бодоогүй байхад гэнэт илэрдэг. Энэ үед төөрөгдөл, уур бухимдал, айдас, шаналал ба цочирдол зэрэг сэтгэл хөдлөл нийтлэг илэрхийлэгддэг. Ийм үед Давид хааны түүхийг авч үзэх нь ухаалаг хэрэг болно гэж би итгэдэг.

Дуулал 42:5-д, Давид сэтгэл санааны дарамттай үедээ зовлон шаналлыг эсэргүүцдэг байсныг бид хардаг. Тэрээр энэ мэдрэмжиндээ автах эсвэл цөхрөлийн нүхэнд орж унадаггүй байв. Өөрийн сэтгэлийн байдлаа дүрсэлдэг хэдий ч энэ мэдрэмжээрээ амьдрахгүй гэсэн шийдвэр гаргасан. Тэр Бурханд итгэл найдваараа өгч, Түүнийг магтдаг.

Бидний ихэнх нь эмгэнэл, гарз хохирол учрахад сэтгэл санааны хувьд бэрх цагийг туулдаг бөгөөд уй гашуугаа гаргах цаг бидэнд хэрэгтэй байдаг. Энэ явцад Бурхан биднийг тайтгаруулж, энэ цаг үеийг давж гарахад шаардлагатай нигүүлслийг өгөхийг хүсдэг. Бурханд итгэх итгэлээр явдаг хүмүүс энэ явдлын дараа урьдынхаасаа бүр илүү сайн болоод гарч ирдэг.

Хэрэв яг одоо таны амьдралд учирсан гарз, хохирлын улмаас сэтгэл чинь шаналж байгаа бол цоо шинэ эхлэл таны өөдөөс айсуй гэж хэлмээр байна. Давид шиг Бурханд итгэж, Түүнийг магт. Таныг хөнөөх гэсэн Сатаны төлөвлөгөөг Бурхан таны сайны төлөө орвонгоор нь эргүүлж чадна!

Залбирлын эхлэл

Эзэн минь, би гашуудаж, сэтгэл санаагаар унасан ч Танд итгэж найдан, Таныг магтаж хүндлэхээр шийдэж байна. Ром 8:28-д хэлсэнчлэн, Та миний сайны төлөө бүхнийг ажиллуулж чадна гэдэгт би бат итгэсээр байх болно.

Facebook icon Twitter icon Instagram icon Pinterest icon Google+ icon YouTube icon LinkedIn icon Contact icon