کیونکہ مجھ کو یقین ہے کہ خُدا کی جو مُحبّت ہمارے خُداوند مسیح یسوع میں ہے اس سے ہم کو نہ موت جُدا کرسکے گی نہ زندگی نہ فرشتے نہ حکومتیں نہ حال کی نہ استقبال کی چیزیں۔ نہ قدرت نہ بُلندی نہ پستی نہ کوئی اور مخلوق۔ رومیوں 8 : 38 – 39
مُحبّت ــــ مُحبّت کئے جانے کا احساس ہونا ــــ ہر شخص کی خواہش ہے۔ ہر شخص قابلِ قدر محسوس کرنا چاہتا ہے۔ ہر ایک شخص یہ محسوس کرنا چاہتا ہے کہ اُس کی اہمیت ہے۔
ذرا سوچیں؟ خُدا آپ سے غیر مشروط مُحبّت کرتا ہے۔ وہ آپ کے کسی کام کے سبب سے جو آپ کرتے ہیں یا نہیں کرتے آپ سے مُحبّت نہیں کرتا وہ تو بس آپ سے مُحبّت کرتا ہے۔ اس کے بارے میں آپ کچھ نہیں کرسکتے۔آپ اس کی مُحبّت کو خرید نہیں سکتے۔ آپ اُس کی مُحبّت سے دامن بھی نہیں چُھڑا سکتے۔ کوئی بھی آپ کو خُدا کی مُحبّت سے جُدا نہیں کرسکتا۔
خُدا نے آپ کو کسی مقصد کے تحت اپنے ہاتھ سے بنایا ہے، اور آپ ایک شاندار معجزہ ہیں۔ کوئی بھی ہوبہو آپ کی طرح نہیں ہے۔ کبھی بھی کوئی بالکل آپ کی طرح نہیں ہوگا۔ اور خُدا کا آپ کی زندگی کے لئے ایک شاندار منصوبہ ہے۔
آج کا قوّی خیال: خُدا مجھ سے غیر مشروط مُحبّت کرتا ہے اور کوئی بھی چیز مجھے اُس کی مُحبّت سے جُدا نہیں کرسکتی۔