اور داؤد نے اُس فلستی سے کہا کہ ” تو تلوار اور بھالا اور برچھی لئے ہوئے میرے پاس آتا ہے پر میں رَب الافواج کے نام سے جو اسرائیل کے لشکروں کا خُدا ہے جس کی تو نے فضیحت کی ہے تیرے پاس آتا ہوں اور آج ہی کے دِن خُداوند تجھ کو میرے ہاتھ میں کردے گا…تاکہ دُنیا جان لے کہ اسرائیل میں ایک خُدا ہے" 1 سموئیل 17 : 45 ۔ 46
داؤد کی طرح ہم سب کے بھی دشمن یا بڑے دیو ہیں جن کو ہمیں شکست دینے کی ضرورت ہے۔ پہلا سموئیل 17 : 42 ۔ 48 میں ہمیں بتایا گیا ہے کہ جب داؤد دیو ہیکل جاتی جولیت کے ساتھ جنگ کرنے کی تیاری کرنے کے بعد وہ اس کی طرف بھاگا (اس سے دور نہیں بھاگا)، اور خُدا کی قوّت اُس کا ہتھیار تھی، اور وہ اپنے اِیمان کے مطابق بآوازِ بُلند اس جنگ کے نتیجے کا اعلان کررہا تھا۔
داؤد کی مثال سے ہم آسانی سے دیکھ سکتے ہیں کہ ہمیں اپنے اس دشمن کی طرف جس کا ہمیں اپنی زندگیوں میں سامنا ہے بڑھنا ہے: ہمیں اپنے منہ کو کھولنا ہے اور خُدا کے کلام کا اِقرارکرنا ہے۔ آپ کو اپنی زندگی میں موجود دیوؤں سے کبھی بھی ڈرنے کی ضرورت نہیں کیونکہ جو سب سے عظیم ہے وہ آپ میں رہتا ہے اور آپ دلیری سے اس پر اپنے اِیمان کا اِقرار کرنے سے اس کی قوّت کو استعمال کرسکتے ہیں۔
آج کا مضبوط خیال: میں اپنے دشمنوں کو شکست دینے کے لئے خُدا کے کلام کا ہتھیار استعمال کرتا/کرتی ہوں۔