«Ոչ իբր արդեն բռնած լինեմ կամ թե արդեն կատարյալ եղած լինեմ, բայց հետևում եմ, որ հասնեմ, ինչպես որ էլ հենց Քրիստոս Հիսուսից բռնված եմ»: —Փիլիպեցիների 3.12
Կան շատ մարդիկ, ովքեր այնքան են վախենում սխալվելուց, որ ոչինչ չեն անում: Փոխարենը՝ նրանք նստում ու ասում են. «Իսկ եթե սխալվե՞մ: Իսկ եթե բաց թողնեմ Աստծո՞ւն»:
Գիտե՞ս, թե ինչ ասաց ինձ Աստված մեկ անգամ: Նա ասաց. «Եթե դու Ինձ բաց թողնես, Ես քեզ կգտնեմ»:
Եթե մենք մոլորվել ենք ինչ-որ տեղ ու համոզված չենք, թե որտեղ ենք, կարող ենք պարզապես բարձրացնել մեր ձեռքերը և ասել. «Հիսո՛ւս, ե՛կ և գտի՛ր ինձ: Ես շփոթված եմ: Ես կարծում եմ, որ սխալ որոշում եմ կայացրել»:
Աստված գիտի, որ մենք չենք կարող կատարյալ լինել, ուստի Նա ուղարկեց Իր Որդուն՝ որպես կատարյալ զոհ, մեզ համար: Այժմ մենք համառորեն առաջ ենք շարժվում դեպի կատարելության նշանը: Փիլիպեցիների 3-րդ գլխում Պողոս առաքյալը խոսում է դեպի առաջ լինողները նկրտելու և անցյալը մոռանալու մասին:
Աստված այսօր կանչում է քեզ համառորեն առաջ գնալու: Դադարի՛ր ապրել սխալվելու վախով, որովհետև բոլորն են սխալվում: Աստված չի խնդրում քեզ սխալներ չանել: Նա կոչ է անում, որ առաջ շարժվես ու վստահես Իրեն՝ քեզ առաջնորդելու համար: Նա խնդրում է քեզ կանչել Իր անունը: Մի՛ ապրիր քո անկատարության վախով: Ապրի՛ր՝ հավատալով այն կատարյալ ծրագրին, որ Աստված ունի քեզ համար:
Աղոթքի սկիզբ
Աստվա՛ծ, ես չեմ ուզում ապրել իմ անկատարության և սխալների վախով: Օգնի՛ր ինձ կենտրոնացած մնալու Քեզ վրա: Ես գիտեմ, որ երբ կանչեմ Քեզ, Դու կօգնես ինձ համառորեն առաջ գնալու դեպի կատարելության նշանը: