«Արդ հնազանդեցե՛ք Աստծուն, հակառակ կացե՛ք սատանային, և նա կփախչի ձեզանից»: —Հակոբոս 4.7
Շատ քրիստոնյաներ հիասթափված ու ընկճված պառկած են կյանքի ճանապարհի եզրին, որովհետև նրանք չեն սովորել ինչպես լուծել հիասթափության հարցը: Սակայն Աստծո կամքը չէ, որ դու այսօր կամ որևէ օր ապրես հիասթափված, ընկճված կամ հուսահատված կյանքով:
Հիսուսի երկրային ծառայության մաս էր կազմում Սուրբ Հոգու օծությամբ շրջելը և սատանայից հարստահարվածներին ազատագրելը: Հուսահատված մարդիկ ամենուրեք գտնում էին հույս, երբ հանդիպում էին Հիսուսի զորությանը: Այս նույն զորությունը հասանելի է մեզ այսօր:
Օգտագործի՛ր այդ զորությունը ինքդ քեզ հուսահատությունից պաշտպանելու համար՝ կենտրոնանալով Աստծո վրա, խորհելով Նրա խոստումների շուրջ, դավանելով Նրա Խոսքը և աղոթքով քեզ ու իրավիճակդ Նրան հանձնելով: Հիսուսի միջոցով դու կարող ես պայքարել թշնամու հարձակումների դեմ՝ նրան սաստելով այնպես, որ չկարողանա կործանել քեզ:
Երբ սատանան մեկ շարժում անի քո ուղղությամբ, դու կարող ես հոգևոր առումով այնքան կապված լինել Աստծո հետ, որ ի զորու լինես զանազանելու, թե ինչ է նա փորձում անել, ապա՝ հակառակվես ու ստիպես նրան փախչել: Սատանան, բախվելով այն զորությանը, որը Հիսուսը հասանելի է դարձրել քեզ, չունի ուրիշ ընտրություն՝ բացի փախչելուց:
Աղոթքի սկիզբ
Աստվա՛ծ, իմ ճանապարհին կհանդիպեն արգելքներ ու հիասթափեցնող բաներ, սակայն ես չեմ հուսահատվի: Երբ Քեզ հետ կապի մեջ մնամ, կհակառակվեմ սատանային ու ամեն անգամ կստիպեմ նրան փախչել: