«Սրա համար ամեն բարեպաշտ աղոթք կանի Քեզ՝ Քեզ գտնելու ժամանակ. իրավի շատ ջրերի հեղեղները վեր կենալիս՝ չեն հասնի նրանց վրա»: ՍԱՂՄՈՍ 32.6
Սա շատ պարզ է. որքան շատ ժամանակ եք անցկացնում Աստծո հետ, այնքան ավելի եք միանում Նրա զորությանը: Դավիթն ասում է, որ Աստծո ներկայության ծածուկ վայրում է, որ մենք պաշտպանված ենք (տե՛ս Սաղմ. 91.1): Երբ ժամանակ ենք անցկացնում Աստծո ներկայության, աղոթքի և Նրա Խոսքի մեջ, մենք ծածուկ վայրում ենք: Ծածուկ վայրը խաղաղության և հանգստի հրաշալի վայր է:
Հզոր է մտածել, որ Աստծո ներկայության մեծափառությունը հասանելի է մեզ՝ հավատացյալներիս: Սա իմանալով՝ ինչո՞ւ չպիտի ցանկանանք ժամանակ անցկացնել Աստծո հետ: Նույնիսկ Հիսուսն արթնանում էր վաղ առավոտյան, որպեսզի առանձին ժամանակ անցկացներ Հոր հետ: Նա գիտեր Աստծո ներկայության մեջ լինելու արժեքը: Նա ուժ և իմաստություն էր ստանում պարզապես Աստծո հետ լինելուց:
Լավագույն բանը, որ կարող եք անել, ձեր ժամանակից որոշ չափաբաժին Աստծուն հատկացնելն է: Մի՛ ունեցեք օրինապաշտական վերաբերմունք, այլ փորձեք, որքան հնարավոր է, կանոնավոր ժամանակ անցկացնել Աստծո հետ: Խոսե՛ք Նրա հետ այն ամենի մասին, ինչ կա ձեր սրտում. Նրան հետաքրքրում է այն ամենը, ինչը հետաքրքրում կամ մտահոգում է ձեզ: Երբեմն գուցե ցանկանաք լսել երաժշտություն և երկրպագություն, ուրիշ անգամներ գուցե ցանկանաք պարզապես նստել և վայելել լռությունը: Ժամանակ հատկացրեք Աստծո հետ լինելու համար և թույլ տվեք, որ Սուրբ Հոգին առաջնորդի ձեզ Աստծո հետ մտերմանալու զարմանալի ճամփորդության մեջ: