«… բայց մենք Քրիստոսի միտքն ունենք և պահում ենք Նրա սրտի մտածմունքները (զգացմունքները և նպատակները)»: Ա ԿՈՐՆԹԱՑԻՆԵՐԻ 2.16, AMP
Այն ժամանակվանից, ինչ սկսեցի ունենալ դրական մտածելակերպ, այլևս չեմ կարողանում հանդուրժել հոռետեսությունը: Բացասական մտածելակերպից ազատագրվելուց ի վեր կյանքում այնքան շատ դրական փոփոխություններ եմ տեսել, որ այժմ հակառակվում եմ ցանկացած բացասական բանի:
Ահա թե ինչ եմ առաջարկում, եթե դուք պայքարում եք դրական մնալու համար: Խնդրե՛ք Սուրբ Հոգուն հանդիմանել ձեզ ամեն անգամ, երբ սկսում եք բացասական մտածել: Սա Նրա աշխատանքի մի մասն է: Հովհաննեսի 16-րդ գլխի 7-րդ և 8-րդ խոսքերը սովորեցնում են, որ Սուրբ Հոգին կհանդիմանի մեզ մեղքի և արդարության համար: Երբ հանդիմանությունը գա, խնդրե՛ք Սուրբ Հոգուն օգնել ձեզ: Մի՛ կարծեք, թե ինքներդ կարող եք հաղթահարել. ապավինե՛ք Նրան:
Լինել դրական՝ չի նշանակում, որ մենք չենք առերեսվում իրականությանը: Աստվածաշունչն ասում է, որ անենք այն, ինչ պահանջվում է, և հաստատ կանգնենք մեր տեղում (տե՛ս Եփես. 6.13): Մեր տեղը «Քրիստոսում» է, և Նրանում մենք կարող ենք մշտապես հուսառատ և դրական լինել, որովհետև Նրա համար ոչինչ չափազանց դժվար չէ: Հիսուսը մշտապես դրական էր և լի էր հավատքով: Մենք ունենք Նրա միտքը մեր մեջ և Նրա օգնությամբ կարող ենք անել միևնույն բաները: