НАДЕЖ за тешки времиња

Можеби се справувате со непредвидена трагедија и не сте сигурни како да ги соберете парчињата и да одите напред. Или, можеби, страдате од медицински проблем и немате начин да одите на лекар. Знам дека толку многу луѓе живеат од ден на ден, несигурни од каде ќе дојде нивниот следен оброк.

Кога поминуваме низ нешто неверојатно тешко, ние можеме да бидеме во искушение да се откажеме и да се предадеме. Сепак, единствена најголема работа што можеме да ја направиме е да веруваме во Бог и да останеме полни со надеж. Но, што навистина е надежта?

Надежта е самоуверено очекување дека нешто добро ќе се случи. Таа е тесно поврзана со нашата вера и она во коешто веруваме. Кога ние се осмелуваме да се надеваме, тоа го преплавува нашиот живот со радост и мир.

Непријателот сака да бидеме со помалку надеж. Тој сака да нè убеди дека сè е изгубено и ништо нема да излезе како што треба. Но, Бог сака да бидеме полни со надеж – да веруваме и да очекуваме големи работи од Него. Всушност, Библијата вели дека Тој е „Бог на надежта“, полн со милост и нови почетоци (види Римјани 15:13).