«Բայց եթե դուք մեկին մի բան ներեք, ես էլ. որովհետև ես էլ, եթե մի բան ներեմ, որին որ ներում եմ, ձեզ համար է Քրիստոսի առաջին, որ սատանան մեզ զրկանք չանի, որ նրա խորհուրդներին անտեղյակ չենք»: —Բ Կորնթացիների 2.10-11
Ներումն օգնում է մեզ, որովհետև այն թույլ է տալիս Աստծուն անելու Իր գործը մեզանում: Ես ավելի երջանիկ և ֆիզիկապես ավելի լավ եմ զգում, երբ լցված չեմ չներման թույնով: Դառնության, զայրույթի և չներման հետևանքով առաջացած լարվածության ու ճնշման արդյունքում կարող են զարգանալ լուրջ հիվանդություններ:
Հայրը չի կարող ներել մեր մեղքերը, եթե մենք չենք ներում ուրիշ մարդկանց, և մենք հնձում ենք այն, ինչ ցանում ենք (տե՛ս Մատթեոս 6.14-15, Գաղատացիների 6.7-8): Ցանի՛ր ողորմություն և կհնձես ողորմություն, ցանի՛ր դատաստան և կհնձես դատաստան: Քո կյանքում եղած Աստծո շնորհքով դու պիտի ներես, որպեսզի քո սրտի դուռը բաց պահես Տիրոջ համար:
Չներումը սատանային տալիս է հենակետ, որը նրան անհրաժեշտ է ամրոց կառուցելու համար: Երբ նա ամրոց ունենա, կկարողանա արգելափակել Սուրբ Հոգու ներգործությունը: Երբ ներում ես, դա թույլ չի տալիս, որ սատանան առավելություն ձեռք բերի քո հանդեպ, և ապահովում է Աստծո ու քո միջև սահուն հաղորդակցումը:
Դու կարող ես Սուրբ Հոգու զորությամբ հաղթանակ ունենալ թշնամու հանդեպ, երբ ընտրես հնազանդվել Աստծո Խոսքին: Այնպես որ ինքդ քեզ լավություն արա՛ և շտապի՛ր ներել:
Աղոթքի սկիզբ
Աստվա՛ծ, ես չեմ ուզում սատանային հենարան կամ ամրություն տալ իմ կյանքում: Ես չեմ ուզում, որ որևէ բան կանգնի իմ ու Քո փոխհարաբերության մեջտեղում: Ես ընտրում եմ ներել, որպեսզի կարողանամ ազատ հաղորդակցվել Քեզ հետ: