Basi Mungu wa tumaini na awajaze ninyi furaha yote na amani katika kuamini, mpate kuzidi sana kuwa na tumaini, katika nguvu za Roho Mtakatifu. Warumi 15:13
Nilipitia wakati mgumu sana miaka kadhaa iliyopita wakati hapakuwa na furaha yoyote au amani katika maisha yangu. Kila wakati nilifanya kosa, nilikuwa na haraka kujihukumu nafsi yangu, nikakasirika kwa kuwa sikuweza kuwa “Mkristo mkamilifu.”
Kisha siku moja, nikaona Warumi 15:13: Mungu wa tumaini na awajaze ninyi furaha na amani katika kuamini … Hiyo ilikuwa tosha. Nikaipata!
Niligundua kwamba nilikuwa nimepata shaka na kutokuamini, nikiruhusu shetani kunitendea kwa mawazo hasi, hasira, na kukosa subira. Katika mchakato, nilisahau kwamba kuamini kwa Mungu na kuamini Neno Lake huleta amani na matumaini na kunashinda udhaifu wangu.
Neno la Mungu lilinipa jibu. Yesu alinipenda sana kwamba hakusamehe dhambi zangu zote kutoka zamani lakini pia alitazama mbele na kunisamehe kwa wakati huo wa udhaifu wakati ningeshindwa baadaye.
Si lazima nimruhusu Shetani aingie na maswali au kutokuamini, nawe huna haja pia. Jua leo kuwa amani, matumaini na furaha ziko mbele yako. Lisome Neno la Mungu na uruhusu liimarishe imani yako.
OMBI LA KUANZA SIKU
Bwana, kila wakati ninapoanza kuamini uongo wa adui, nikumbushe ukweli katika Neno lako. Kwa kukuamini, mimi napokea amani na furaha leo.