Le të mos lodhemi duke bërë të mirën; sepse, po të mos lodhemi, do të korrim në kohën e vet. Galatasve 6:9
Tek Galatasve 6:9, “le të mos lodhemi” do të thotë të mos heqësh dorë në mendje. Fryma e Shenjtë na thotë të mos dorëzohemi në mendjen tonë, sepse nëse qëndrojmë fort, do të korrim gjëra të mira.
Mendoni për Jezusin. Menjëherë pasi u pagëzua dhe u mbush me Frymën e Shenjtë, Ai u çua në shkretëtirë për t’u testuar dhe provuar nga djalli. Ai nuk u ankua dhe as u dekurajua dhe as u dëshpërua. Ai nuk mendonte dhe nuk fliste negativisht. Ai nuk u hutua duke u përpjekur të kuptonte pse duhej të ndodhte kjo. Ai e kaloi çdo provë me fitore (Luka 4:1–13).
A mund ta imagjinoni Jezusin duke udhëtuar nëpër vend, duke folur me dishepujt e Tij se sa e vështirë ishte gjithçka? A mund ta imagjinoni Atë duke diskutuar se sa i vështirë do të ishte Kryqi, ose se si Ai i frikësohej gjërave përpara, apo sa zhgënjyese ishte të mos kishe çati mbi kokë, pa shtrat për të fjetur natën?
Jezusi mori forcë nga Ati i Tij qiellor dhe doli me fitore. Ne kemi Frymën e Tij që banon në ne dhe fuqinë në dispozicion për t’ia dalë mbanë çdo gjëje me të cilën po përballemi.
Ne mund t’i trajtojmë situatat tona në të njëjtën mënyrë siç bëri Jezusi, duke u përgatitur mendërisht nëpërmjet “të menduarit për fitore” në vend të “të menduarit për të hequr dorë”.