நானும் உங்களுக்காக விண்ணப்பம் செய்யாதிருப்பேனாகில் கர்த்தருக்கு விரோதமாகப் பாவஞ்செய்கிறவனாயிருப்பேன்; அது எனக்குத் தூரமாயிருப்பதாக; நன்மையும் செவ்வையுமான வழியை நான் உங்களுக்குப் போதிப்பேன். (1 சாமுவேல் 12:23)
பயனுள்ள ஜெபத்திற்கான ஒரு திறவுகோல், மற்றவர்களின் மீது கவனம் செலுத்துவதும், நம்முடைய சொந்த தேவைகளைப் பற்றி கவலைப்படாமல் இருப்பதும் ஆகும். நாம் நிச்சயமாக நமக்காக ஜெபிக்கலாம் மற்றும் நம் தேவைகளை பூர்த்தி செய்யும்படி கடவுளிடம் கேட்கலாம். ஆனால் எப்போதும் நமக்காக ஜெபிப்பதை நாம் தவிர்க்க வேண்டும். சுயநல பிரார்த்தனைகள்-பலன் தராது. எனவே மற்றவர்களுக்காகவும் ஜெபிப்பதில் நேரத்தை செலவிடுவதை உறுதி செய்ய வேண்டும். பிரார்த்தனை தேவைப்படும் நான்கு அல்லது ஐந்து நபர்களைப் பற்றி நான் தொடர்ந்து கேள்விப்படுவேன். அவர்களுக்காக ஜெபிப்பேன். அவற்றில் சில பிரார்த்தனைகளுக்கு பதில் கிடைக்கும் போது, மற்றவர்களுக்காக ஜெபிக்க வேண்டும் என்பதை நான் அறிவேன். உங்கள் வாழ்க்கை அநேகமாக அதைப் போன்று இருக்கலாம். சமீபத்தில், நேசிப்பவரை இழந்த ஒருவர், வேலை தேவைப்படுபவர், வசிக்க இடம் தேவைப்படுபவர், மருத்துவரிடம் இருந்து மோசமான அறிக்கையைப் பெற்ற ஒருவர், உடல் நிலை சரியில்லாமல் போன குழந்தையின் பெற்றோர் அல்லது மனைவியை விட்டுப் பிரிந்த ஒருவரைப் பற்றி நீங்கள் கேள்விப்பட்டிருப்பீர்கள்.
மக்களுக்கு எல்லா வகையான தேவைகளும் உள்ளன. அவர்களுக்கு நமது பிரார்த்தனைகள் தேவை. நாம் ஒருவருக்கொருவர் நேர்மையான அன்புடனும், இரக்கத்துடனும் ஜெபிக்க வேண்டும் என்று கடவுள் விரும்புகிறார். நாம் பிறருக்காக ஜெபிக்கும்போது, நம் சொந்த வாழ்வில் அறுவடையைத் தரும் விதைகளை விதைக்கிறோம். நோய்வாய்ப்பட்டவர்கள் குணமடைய நான் பிரார்த்தனை ஏறெடுத்த எனது மாநாடு ஒன்றில் கலந்து கொண்டதாக ஒரு பெண் என்னிடம் கூறியது எனக்கு நினைவிருக்கிறது. அவளுக்கு ரத்தப் புற்றுநோய் இருந்தாலும், மற்றவர்கள் குணமாக வேண்டும் என்று பிரார்த்தனை செய்ய ஆரம்பித்தாள். தனக்காக கூட ஜெபிக்கக் நினைக்கவில்லை. அடுத்த வாரம் அவள் ஒரு டாக்டரிடம் இரத்தப் பரிசோதனை செய்து கொண்டாள். அவளுக்கு என்ன நடந்தது என்று அவர்களுக்குப் புரியவில்லை என்றாலும், அவளுக்கு நோய் இல்லை என்று சொன்னார்கள்.
இன்று உங்களுக்கான கடவுளுடைய வார்த்தை: நீங்கள் மற்றவர்களை எவ்வளவு அதிகமாக அணுகுகிறீர்களோ, அவ்வளவு அதிகமாக கடவுள் உங்களை அணுகுகிறார்.