Of verstaan julle nie dat julle liggame ’n tempel van die Heilige Gees is wat in julle woon en deur God aan julle gegee is nie? Julle behoort nie aan julleself nie, (1 Korintiërs 6:19)
God het ons geskep as drieledige wesens (gees, siel en liggaam). Ons het baie fasette aan ons natuur en elkeen het behoorlike sorg nodig. As ons nie goed na ons liggame omsien nie, sal ons gees en siel minder effektief wees. As ons selde behoorlik oefen, rus of eet, sal ons gesondheid daaronder ly.
Ek het ontdek dat wanneer ek moeg en uitgeput voel, dit vir my moeilik word om die geestelike dissiplines te handhaaf wat ek moet doen om sterk in gees en siel te bly. Goeie gesondheid en energie help ons in alle opsigte, selfs geestelik.
Jou liggaam is die woonplek van jou gees en siel; dit is die huis waarin hulle woon terwyl hulle op hierdie aarde is. Nie net dit nie, God se Woord sê dat jou liggaam die tempel van God is. Ek moedig jou aan om elke dag daarvoor te sorg.
Vandag se Gedagte
Sorg vir jou liggaam, want dit is die enigste een wat jy ooit sal hê.
Delf dieper in God se Woord: Bestudeer Romeine 12:1; 1 Korintiërs 3:16-17